YESKIAL 20:43 - Susula Malalaok Hehelu Palak Ma Hehelu Beuk

⁴³ Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 20:43 Referans Kwoze

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

2 KORINTUS 7:11

Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.