YESKIAL 20:37 - Susula Malalaok Hehelu Palak Ma Hehelu Beuk

³⁷ Neukose, Au tao emi no balakaik, fo ela emi tunga Au hehelu-balataang.

YESKIAL 20:37 Referans Kwoze

YEREMIA 33:13

Basa manafoo-la leke seluk sila bi'ilopon-nala nai kota-kota manai letelepak-kala, letelepak-kala huun-na, nggolo-ta'duk manai Yehuda boboan kona, ma nai Benyamin dae paletan-na, boema nggolo-ta'duk manai Yerusalem boboa-kaisun, ma nai Yehuda kotan-nala. Au, Manetualain, nde manakokolak-ka.”

IMAMAT 27:32

Bana esa neme bana sanahulu mai nde been-na, Manetualain nuun. Metema leke bana-manu sila-la soona, bana ka sanahuluk-ka, ana da'di Manetualain nuun.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

YESKIAL 34:17

Mamanene leon, hai Au manafoong-ngala lemin! Au Manetualain Fo Mademaina, afa'da emi, ae neukose Au aketu-ala'di emi esa-esak, ma Au ta'da fe'ek malole-a neme mangalauk-ka mai, bi'ilopo-la neme bi'ihiik-kala mai.

YESKIAL 16:62

Neukose, Au tao hehelu-balataa beuk no o. Soona besak-ka o bubuluk, mae Au nde Manetualain-na.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.