YESKIAL 20:15 - Susula Malalaok Hehelu Palak Ma Hehelu Beuk

¹⁵ Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:15 Referans Kwoze

MAZMUR 95:11

Boema Au soo-supa nai Au nasa-melung dale ae, neukose ala ta masok leo, nusak ndia dalek leu fa, fo ala hahaeaon-nala, sama-sama loo Au.”

MAZMUR 106:26

Boema Ana soo, ma Ana helu nae, neukose Ana taonisas nai moo solokaek-ka.

IBRANI 4:3

Tehu ita fo tamahele, neukose masok leo mamana hahae aok fo Manetualain heluk ndia. Ita hapu mamana hahae aok fo Manetualain helun ndia. Dede'ak ndia, nandaa no Manetualain hala nafa'da na, nae leo ia, “Au amanasa, ma Au soo-supa, ‘Neukose ala ta masok leo mamana hahae ao ka, sama-sama lo Au fa.’ ” Manetualain kokolak nae leondia, leomae tatao-nono'in basan ndek Ana nakadada'dik daebafak ia so.

IBRANI 3:18

Lelek fo Manetualain soo-supa nae leo ia, “Neukose ala ta masok leo nusak ndia dalek leu, soaneu ala hapu hahae ao nala sama-sama lo Au fa.” Fo Manetualain dudu'a ka nde see ka? Fo nanadudu'a ka nde hataholi-hataholi fo mana la'ban Manetualai na hetu?

IBRANI 3:11

Au amanasa, de Au soo-supa ae, ‘Neukose ala ta masok leo nusak ndia leu fa, soaneu ala hapu hahae ao nala sama-sama lo Au.’ ”

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 20:42

Metema, Au o falik emi leo dae Israel, dae fo Au helu basan neu emi bei-ba'i kaim-mala, soona besak-ka emi bubuluk, mae Au nde Manetualain-na.

YESKIAL 44:12

Tehu, hu kande ala tao feta fo, sene-do'ok neu sosongo-tatangok, soaneu leoina Israel-la, de no enok ndia, ala loso leoina Israel-la, leo sala-singok dale leu, de Au, Manetualain Fo Mademaina soo, ae sila muse nanahukuk.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.