YESKIAL 2:1 - Susula Malalaok Hehelu Palak Ma Hehelu Beuk

¹ “Hai, hataholi daebafak manasapu-laloko nei, fo'a mapadeik leona. Au ahiik kokolak o, o.”

YESKIAL 2:1 Referans Kwoze

DANIAL 10:11

Ata nusa so'dak ndia nafa'da au nae, “Danial, Manetualain sue-lai o. Fo'a fo mapadeik leona, fo nene'ne matalolole au hala kokolang ia. Au ia nananadenu basak fo mai leo o mai.” Lelek au amanene dede'ak ndia boema, au fo'a no au delengge'be-ngge'be.

YESKIAL 4:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma batu bata esa, fo pe'dan neu o matam-ma, fo dokik kota Yerusalem-ma dulan-na neu lain

YESKIAL 3:17

“Hai, hataholi daebafak fo, manasapu-manalalok-konei, Au so'u o da'di manamanea neu leoina Israel-la. Manduku-malosak nasanene'dak fo, Au fek ia-la neus.

YESKIAL 5:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma tafaina matane esa, fo nggeuheni o nggolomeim-ma, ma o langadoom-ma. Basa soona, tai langadook ndia neu tatais-sa, fo ba'en neu baba'ek telu.

YESKIAL 3:4

Manetualain nafa'da seluk nae, “Hai, hataholi daebafak fo, manasapu-manalalok-konei, muu leo hataholi Israel-la leona, fo manduku-malosak basa Au hala hehelung lala'en-na neus.

YESKIAL 3:1

Manetualain nafa'da nae, “Hai, hataholi daebafak fo, manasapu-manalalok-konei, mu'a susula nanadikuk ia leona, boema muu leona, fo kokolak-kana neu hataholi Israel-la.”

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

HATAHOLI 26:16

Fo'a fo mapadeik leona! Au atu'du Au ao nga neu o nana Au sanga so'u o da'di Au malalau-maoonong. O muse tui-benga hataholi la, hata fo faik ia o mitan la'eneu Au, ma la'eneu hata fo neukose Au atu'dun neu o, nai fai-fai mana mai kala.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

MATEOS 17:7

Tehu Yesus mai de Ana koi la'es boema nafa'das nae, “Fo'a leona, boso bii!”

DANIAL 10:19

Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

DANIAL 8:17

Boema Gabrial fo napadeik nai au matang-nga ndia, ana mai deka no au. Au bii anseli, nalosa au bala u. Gabrial nafa'da au nae, “Hai hataholi daebafak manasapu-manalalok-konei, o muse bubuluk te, ninitak ndia nde been-na la'eneu tepo-lelek mate'ek-ka.”

YESKIAL 37:3

Manetualain natane au nae, “Hai hataholi daebafak fo, manasapu-manalalok-konei, ade duik ia-la, bisa laso'da seluk do ta?” Boema au ataa ae, “Manetualain Fo Mademaina, ka'da O mesam-ma nde, bubuluk-ka.”

YESKIAL 20:3

“Hai hataholi daebafak fo, manasapu-manalalok-konei, kokolak moo mauli-malangan sila-la, fo mafa'das mae Au, Manetualain Fo Mademaina, nafa'da nae leo ia, ‘Emi mapalani manseli, moke natutu'duk neme Au mai! No Au, Manetualain fo maso'dak-ka na'den-na, Au ta nau emi moke Au natutu'duk fa! Au, Manetualain Fo Mademaina, nde manakokolak-ka.’

YESKIAL 17:2

“Hai hataholi daebafak fo, manasapu-manalalok-konei, tui fe hataholi Israel-la, nakandandaak esa ia.

YESKIAL 16:2

“Hai hataholi daebafak fo, manasapu-manalalok-konei, matu'du Yerusalem, tatao-nono'i ta kandaak fo, ana tao-no'in-na.”

YESKIAL 15:2

“Hai hataholi daebafak fo, manasapu-manalalok-konei, ade ai angol-la, lenan-na nde bee, de nalosa ain-na, lenaheni ai fe'ek manai nula dale-la? Ade, ai angol-la, malolen-na nde bee, de nalosa ain-na, lenaheni basa ai manai nula dale-la?

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 14:3

“Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

YESKIAL 13:2

“Hai hataholi daebafak fo, manasapu-manalalok-konei, fe nasanene'da mahelek neu nabi-nabi Israel fo, manakokolak dede'a nafa'da elak fo sila tao aon-na. Madenus fo, lamanene Au dede'a-kokolang.”

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

YESKIAL 3:10

Basa boema, Manetualain nafa'da nae, “Hai, hataholi daebafak fo, manasapu-manalalok-konei, taoafik matalolole, ma mafandendelek basa hata lala'en fo, Au afa'dan neu o.

YESKIAL 2:8

Hai, hataholi daebafak manasapu-lalok-konei, mamanene hata fo, Au afa'dan neu o. Boso da'di malenalanga-masabasook boe. Mapook o bafam-ma, fo mu'a hata fo, Au fen neu o.”

YESKIAL 2:6

Tehu o, hai hataholi daebafak manasapu-lalok-konei, boso bii-mamata'u neu basa malenalanga-masabasook sila-la, ma neu sila hala-kokolan-nala. Neukose, ala lena-la'ban o, ma lakamumulu-lakamamaek o, nalosa o maso'dam-ma, nono'kabai nai kulak-ka tala'da. Leomae leondiak boe, boso bii-mamata'u.

MAZMUR 8:4

Metema, au mete lalai fo, O makadada'dik-ka, bulak ma nduuk fo, O pasak-ka soona,

YESKIAL 2:3

“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

YESKIAL 1:28

ma dula-na mata-matak, sama leo elus-sa. Mandela-masa'ak ndia, nde natu'du Manetualain mamain-na. Au ita manada'dik ndia boema, au tu'u atotonokala u dae lain. Boema au amanene halak-ka nafa'da nae,

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

YESKIAL 43:18

Manetualain Fo Mademaina, nafa'da au nae, “Hai hataholi daebafak fo, manasapu-manalalok-konei, mamanene hata fo, Au afa'dan neu o. Metema, tao basa mei tunu-hotuk ndia soona, o muse makateman, nenik tunu tutunu-hohotuk neu lain, ma pisin nenik bana tutunu-hohotuk daan-na.