YESKIAL 18:24 - Susula Malalaok Hehelu Palak Ma Hehelu Beuk

²⁴ Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 18:24 Referans Kwoze

YESKIAL 33:18

Au afa'da la'iesa seluk, ae metema hataholi manatao tatao-nono'i malole-a, ana mulai tao tatao-nono'i mangalauk soona, neukose maten, hu kande tatao-nono'in ndia.

AMSAL 21:16

Hataholi fo so'dan-na, ta tunga enok malole-a fa soona, tao leo bee-o, neukose ana losa, hataholi manamatek-ka daebafan-na.

2 YOHANIS 1:8

Hu ndia de manea matalolole, fo boso nalosak emi mamopo hata fo, ami tao-no'i basan neu emi ndia. Sanga enok, fo ela emi hapu sipo la'iesak emi ngga'di ma neme Manetualain mai.

GALATIA 3:4

Basa hata fo emi la'oladik sila la, manda'di tak do? Masa bole, manda'di tak!

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

YESKIAL 18:26

Metema hataholi malole-a, ana ta tao malole so'on, fo ana mulai tao tatao-nono'i mangalauk soona, neukose maten, nanahu tatao-nono'i mangalauk fo, ana tao-no'ik-kala.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

NINITAK 3:11

Au mai no lai-laik! Manea matalolole hata fo emi manuun, fo ela ta hapu hataholi esa boen loso na emi buapalse sesengim ndia.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

GALATIA 5:7

Makahulu na, emi puse laipana no malole. Tehu tao le'e de besak ia, emi ta tunga Manetualain hihii-nanaun so'ok? See nde fufu'di-oo'dok nala emi a?

MARKUS 13:13

Neukose basa hataholi la lakamu-lakadau emi nana Au ana mana tungang emi. Tehu ba'eneu hataholi fo nakatatakak losa mate'e na, neukose ana hapu maso'da ka.”

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

YESKIAL 18:22

Neukose, basa sala-singon lala'en-na, hapu do'o do ampon; neukose naso'da, nanahu ana tao ndoos.

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

YOHANIS 8:21

Boema Yesus nafa'da selu kasa nae, “Metema Au la'o soona, neukose emi sanga Au, tehu neukose emi mate nai emi sala-singo ma dalek. Nanahu Au u leo mamana ka, emi ta hapu losa fan.”

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 18:18

Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

2TAWARIKH 24:2

Nai lelek Imam Yoyada bei naso'da, Yoas tao-no'i dede'ak fo nandaa no Manetualain dalen-na.

GALATIA 3:3

Tao le'e de emi mamanggoa tao leondiak! Emi mulai maso'da beu ka ninik Manetualain Dula Dale na so, na masa bole, besak ia emi nau sanga aom emi matetu-mandaam, ninik emi be'i balakai mesa ma?

YEREMIA 34:16

Manaho'u paleta Yehuda-la, ma Yerusalem no basa uma manek-ka manana'a ngga'din-nala, imam-mala ma basa manamanea o daem-mala, ala heisok nakeketuk ndia nenik ala do'do sapi, de ala seseli ba'en neu dua, de ala la'ok nai biak kaduak sila-la tala'da. Tehu neu makabuin-na boema emi po'de masafali emi dudu'am-ma de emi makadadaek Au. Ata-la fo emi soi po'i basak-ka fo nanda no sila hihiin-a ndia, emi ho'i falik-kasa de emi laka-makasetis soaneu da'di ata seluk. Hundia de Au, Manetualain afa'da ae, emi la'o lena Au paletang-nga, ma ta nau tunga eno dalan fa, nana emi ta soi po'i emi fo leoina Israel sama-sama fa. De besak ia malole lenak Au po'i lotak emi; manapo'i lotak soaneu mamate-momopok-ka nai natee-natatik-ka dalek, do neme he'di laus matuaina, do neme la'a ndoes-sa mai. Emi tao sapi-a tao leo beek fo emi sanga do'don ndia soona, neukose Au tao emi tao leondiak boe. Neukose Au tao-a basa leoina manai daebafak ia lala'en-na ala langgenggengo ao, metema ala lita hata fo Au taon soaneu emi-a.

YESKIAL 17:20

Neukose, Au pilu Au dalang-nga neu, fo Au ho'u-an. Neukose, Au on leo Babel neu, fo Au hukun nai naa, nanahu ana ta lilineka neu Au fa.

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.