YESKIAL 16:63 - Susula Malalaok Hehelu Palak Ma Hehelu Beuk

⁶³ Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 16:63 Referans Kwoze

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

ROMA 3:27

Hu ndia de, ita ta hapu seluk ne'ek soaneu tamatutua-tamadedema fa. Taol e'e de, leondiak? Ade hu ka nde, ita tao tatetu hata fo nanasulak nai agama Yahudi hoholo-lalanen dale do? Ta leondiak fa. Te hu ka nde, ita tamahele.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

RATAPAN 3:39

Tao le'e de, hataholi-a muse haladoi metema nanahukuk hu kande sala-singon?

MAZMUR 79:9

Tulu-fali ami, ou Manetualain, fo ami manasoi-manatefam-ma, fe do'o do ampon neu ami sala-singom, ma soi-po'i ami hu kande O na'dem fo, nanafe ha'da-holomatak ndia.

MAZMUR 65:3

Nana, O nde sipok, huhule-haladoik-kala; basa hataholi-la, ala mai leo O mai, nanahu lasala-lasingo so.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

YESKIAL 17:1

Manetualain nafa'da au nae,

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

YESKIAL 43:10

Boema Manetualain nafa'da seluk nae, “Hai hataholi daebafak fo, manasapu-manalalok-konei, mafa'da hataholi Israel-la, la'eneu Au Umang ia, ma madenus fo, ala mete matalolole uma ia tao taon leo beek. Taom-malas ala mae, nanahu basa sila sala-singon lala'en-na.

YESKIAL 44:13

Sila ta bole lalalau-laoono seluk Au, da'di leo imam, do ala koila'e hata fo, malalao-malalafuk ba'eneu Au, do ala masok leo Mamanak Fo Malalao-malalafuk nanseli-a, dalek leu fa. Sila tao, tatao-nono'i manggenggeok-ka, huhukun-na nde ndia.

ULANGAN 32:43

Hai, leoinak-kala lemin, koa-kio Manetualain anan-nala, nana Manetualain huku basa hataholi fo, manataonisas-sala so. Ana balas nape'da dalen-na, neu musun-nala, tehu Ana fe do'o do ampon neu anan-nala.”

MAZMUR 85:3

O fe basa do'o do ampon neu O anam-mala sala-singon-nala so; O poti ketu salan-nala so.

YESAYA 33:24

Nai ita nusan-na, ta hapu hataholi esa boen neukose nahoo, hu kande namahe'di, ma basa sala-singok-kala, neukose hapu do'o do ampon.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”