YESKIAL 16:59 - Susula Malalaok Hehelu Palak Ma Hehelu Beuk

⁵⁹ Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.

YESKIAL 16:59 Referans Kwoze

YESKIAL 17:19

No Au, Manetualain fo maso'dak-ka na'den-na, Manetualain Fo Mademaina, neukose Au huku mane Yehuda, nanahu ana la'olena hehelu-balataan no manek Babel-la so, te se'kona ana soo nenik Au na'deng-nga, soaneu ana tao natetun.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YEREMIA 22:9

Boema neukose hataholi-la lataa lae, basa sila da'di nanahu ei masapepeko-masandandali neu emi hala-hehelun no Au, fo emi Manetualaim-ma, de emi sene-do'ok ma hule-haladoi neu lamatua daebafa fe'ek-kala.”

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

ULANGAN 29:25

Soona, natataan-na nae, ‘Hu kande, ala ta nau sipok, sila bei-ba'i kain-nala Manetualain, hehelu-balataan fa; hehelu-balataak fo, Ana taon ba'eneu sila, nai lelek nos kalua leme Masir mai.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

ULANGAN 29:24

Boema, neukose basa daebafak-ka lala'en-na, latane lae, ‘Tao le'e de, Manetualain tao hataholi sila nusan-na, leondiak? Hu beek de, ana namanasa ba'u-ba'u basa ndia?’

YESKIAL 7:3

Manetualain nafa'da nae, “Hai Israel, besak ia, o fai mate'em-ma, ana losa so. Au aketu-ala'di o, nandaa no o tatao-nono'i ta kandaam-ma fa.