YESKIAL 16:50 - Susula Malalaok Hehelu Palak Ma Hehelu Beuk

⁵⁰ Ala koao-ndaeao, ma lalanga batu, ma ala tao tatao-nono'ik fo, Au ta ahiik-kana fa. Hu ndia de, Au tao akalulutuk-kasa, sama leo o mitak-ka so.

YESKIAL 16:50 Referans Kwoze

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

KEJADIAN 19:5

Ala laloo bou-bou neu Lot, de latane lae, “Hataholi manamaik, fo ala sungu nai o umam-ma, lai bee? Fes mai, fo ela ami sungu moos!”

KEJADIAN 18:20

Basa boema, Manetualain nafa'da Abraham nae, “Sodom ma Gomora, hapu kalaak mabelaina, nana, memak hataholi sila-la sala-singon, ba'un-na seli so.

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

NINITAK 18:9

Mane-manek daebafak fo ala tunga nai inak ndia tatao-nono'i manasosoa-piao na ma inak ndia nasa sasaoana na, neukose ala kii ma makaleleu kota ndia, metema lita ha'imasu ka namasu neme ha'i fo manahotu naputu nana.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

2 PETRUS 2:6

Dede'a na sama no kota Sodo ma no Gamora: Manetualain hotu heni kota sila ninik ha'i, fo ela ana da'di natutu'duk la'eneu hata fo neukose ana da'di neu hataholi mangalau kala.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

RATAPAN 4:6

Au anang-ngala nanahuku basak so belan-na lena heni laun Sodom fo ka'da nai hatematak esa mesak-kana nakalulutuk neme Manetualain liman-na mai, te ta nenik hataholi daebafak-ka nakeketun-na fa.

YEREMIA 50:40

Sama leo Au tao akalulutuk Sodom ma Gamora no nggolok manadekak-kala, boema neukose Au tao akalulutuk Babel leondiak boe. Ta hapu hataholim esa boen fo ana leo nai na. Au, Manetualainde manakokolak.

YEREMIA 49:18

Sama leo Sodom ma Gamora nana tao nakalulutuk no nusa-nusak titia-tatain-nala. Edom boe leondiak, ta hapu esa boen fo ana leo nai na. Au, Manetualain, nde manakokolak.

YEREMIA 20:16

Nemena fo mananeni halak ndia nalupa kota-kota fo Manetualain tao nakalulutuk-kana ta no dale kasian fa. Nemena fo namanene honggu'u he'di-laus nai faik fafain-na, ma nanggasiaok natee-natatik-ka nai le'do hana.

YESAYA 13:19

Neme basa nusak lala'en-na mai, Babel ndia nde mana'ahiik nanseli, ma ana da'di namatutua dalek ba'eneu laun-nala. Tehu Au, fo Manetualain, neukose tao akalulutuk-kana, sama leo Au tao Sodom ma Gomora.

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

AYUB 18:15

Besak ia, su'di see-a, bole leo nai lalaa teman dale, fo ana nggali belerang, fo manatao namopo he'dis-sa.

2RAJA-RAJA 23:7

Kama-kama manai Manetualain Uman, fo ina manasosoa-piaok manai uma sosongo-tatangok-ka paken, soaneu ala sosoa-piao, da'di leo sene-do'ok esa neu lamatua daebafak-ka, ana tao nakalulutuk la'iesak-kasa. (Nai kama sila-la dalek, nde inak sila-la tenu-henge temak, fo ala paken, nai lelek ala sene-do'ok neu lamatua daebafa inak Asyera)

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

ULANGAN 23:17

Hataholi Israel esa, nau touk do inak boe, ta bole da'di manasosoa-piaok, nai uma sosongo-tatangok-kala fa.

IMAMAT 18:22

Touk ta bole sao touk fa. Manetualain nakamuu-nakadau tatao-nono'ik ndia.

KEJADIAN 19:25

Kota ka duak sila-la, nanatao nakalulutuk, boeo basa bafak lala'en-na, ma basa na'u-aiana, boema basa laun manai sila-la.