YESKIAL 16:40 - Susula Malalaok Hehelu Palak Ma Hehelu Beuk

⁴⁰ Neukose, ladenu hataholi makadotok tapa o, nenik batu, ma ala kekee o aopaam-ma nenik tafaina.

YESKIAL 16:40 Referans Kwoze

YESKIAL 23:47

Nemen-na fo, ala tapas lenik batu, ma ala sapu-lalas lenik tafaina. Nemen-na fo, ala do'dolisa anan-nala, ma ala hotuheni duas uman-na.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YESKIAL 23:10

Ala o'du lakaholak-kana no nakasetik, boema ala taolisan nenik tafaina, de ala loso-la anan-nala. Inak-kala kokolak na'den-na, nai basa mamanak lala'en-na.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

YESKIAL 23:25

Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.