YESKIAL 16:23 - Susula Malalaok Hehelu Palak Ma Hehelu Beuk

²³ Manetualain Fo Mademaina, nafa'da nae, “Soe ba'eneu o! Soe te'e-te'e! O tao basa tatao-nono'i mangalauk lala'en-na so.

YESKIAL 16:23 Referans Kwoze

NINITAK 12:12

Hu ndia de ela leo bee na nusa so'da ka no basa hata fo manaleo nai dale ka, lamahoko-setelee! Tehu soe ba'eneu daebafa ka ma tasi a, nana Nitu kona neu emi ninik nasa-melu matuaina na, nanahu ana bubuluk basa, fai na ela ka'da faa anak so.”

NINITAK 8:13

Boema au mete ita manupui kaka'ka esa ana bei laa dema na seli nai lalai, nalo bou-bou nae, “Soe, Soe, Soe ba'eneu basa hataholi manai daebafa ka, metema lamanene ata nusa so'da katelu fe'e kala, mahani te ala puu pupuu nala!”

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

ZEFANYA 3:1

Soo-supak neu Yerusalem, kota manggenggeok ma kota fo anan nau ka'da lena-la'ban Manetualain ma ana tuni-ndeni laun-nala!

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

YESKIAL 13:18

ma mafa'das hata fo Au, Manetualain Fo Mademaina, afa'da neus: ‘Soe ba'eneu emi! Emi tao aidook neu suek-kala, fo emi fe basa hataholi-la pake suek sila-la, ma emi fes ala pake tema popoti langak fo, nanuu be'i-balakai matuaina, fo ela hataholi manapakek-ka, ana hapu koasa hataholi fe'ek maso'dan-na. Emi mahiik koasa-ma Au anang-ngala masodan ma mamaten-nala, ma emi pake koasa ndia, fo neni fe emi nanalak.

YESKIAL 13:3

Manetualain Fo Mademaina nafa'da nae, “Soe ba'eneu nabi-nabi nggoak sila-la! Ala tunga sila dale nakababalen-na, te ala ta lita ninitak esa boen.

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”

YESKIAL 16:24

Bai te, o tao mamana sosongo-tatangok ma mamana sosoa-piaok nai masadokek-kala, ma nai enok-kala su'un-na.