YESKIAL 16:10 - Susula Malalaok Hehelu Palak Ma Hehelu Beuk

¹⁰ Basa boema, Au fe o pake ba'du madulak, ta'bueis kapa louk, temak fefeo langak abalutu, ma ba'du manalu abalutu.

YESKIAL 16:10 Referans Kwoze

YESKIAL 16:18

O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 16:13

No enok ndia, o nanabalias nenik lilopilas ma lilofulak; o papake-ngganggaom, taon neme tema abalutu ma tema abalutu madulak. O bole mu'a loti fo, taon neme ha'desopu malole, fo nanasese'dok nenik faioe ma mina setun. O mata makeek nanseli, de o mandaa da'di ina manek.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

KELUARAN 26:36

Tao tema lelesu soaneu Lalaa Temak-ka lelesun-na. Taon neme tema abalutu mai, fo tenun no tema kabelik momo'dok, pilabalanggeok ma pilas, ma balias-sana nenik seseu-sosoo mana'a.

NINITAK 19:8

Manetualain fe basan, bua papakek fo nanataok neme tema fula balisi ma mangadilak neu pengante na.” (Tema fula mangadilak ndia nde bee na, ta'du-tana neme Manetualain hihii-nanaun fo hataholi kamahehele nala nde tao nana.)

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

YESKIAL 27:16

Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

KELUARAN 28:5

Ala muse tenu bua-papakek ndia neme tema kabelik momo'dok, pilabalanggeok ma pilas, aba lilopilas ma tema abalutu. Fe'ek neme ndia mai, muse nanabalias efod-ta nenik seseu-sosoo mana'ahiik.

KELUARAN 26:14

Taom-ma tatanak dua soaneu Lalaa Temak-ka dean-na, esa neme bi'ilopo mane loun-na mai fo lose pilas neu, ma esak-ka, taon neme bana lou mangana'uanak-ka mai.

NINITAK 21:2

Boema au ita kota malalaok ndia, fo nde Yerusalem beu ka ana kona neme nusa so'da ka, fo neme Manetualain mai. Kota ndia nanasadia basak sama leo penganten inak esa nanapainotek soaneu natongo no penganten tou ka.

NINITAK 18:12

Ta hapu hataholi asa sila lilopilan, lilofulan, poemata, ma mutiara nala so'on. Leondiak boe, sila tema fula mangadila nala, tema pila balanggeok, tema sutra, ma tema pila sangadelak, basa ai mata-matak fo kikisa ka de'i fo hapun, bua-lo'as fo nanataok neme ngga'di dui mai, ma neme ai kabeli kala, neme liti, besi, ma neme batu mangadila ka mai;

YESKIAL 27:7

O laa-ma, ma o dedeo-ma, nanataok neme Masir tema abalutun-na mai, nanaseuk nenik seseuk mata-matak-kala. O lalaa temam-mala, nanataok neme tema abalutu anak-ka mai, temak neme Siprus mai, fo dula pila balanggeok.

YESKIAL 26:16

Leoina manai tasi su'uk-kala, manen-nala lita o ua-nalem da'di tao leondiak soona, neukose ala fo'a leme kandela manek lain mai, fo ala o'duheni sila ba'du manalu matua-madema-na, ma sila ba'du nanaseu bunga-na, fo langatuuk dele bengge'be leu dae lain. Neukose ala bii-lamata'u lanseli, nalosa dalen-nala ta tesa-tama fa.

YESKIAL 16:7

Au ho'i oe, de au safeheni daak manai o aom-ma. Au ahutu o mina, nenik mina setun. Au akaboboi o, losa o mamatua, sama leo bubu'u-palusa, fo ana moli no malole. O mamatua, ma o ta mamahe'di-mapalau fa, boema o da'di anafe'oanak. O su'um-ma, mulai lamatua, ma o langadoom-ma namanalu, tehu o makahola-la. Lelek Au la'ok tunga ndia seluk te, Au ita o faim-ma losa, soaneu o leo-la'ok moo tou-ta'eanak so. Au alu'e Au ba'du manalung-nga neu o ao makaholam-ma, ma Au aheluk, Au fe Au susue-lalai ina-anafe'ong-nga neu o. Au tao hehelu-balataak o o, fo no enok ndia, o da'di Au nuung. Au, Manetualain Fo Mademaina, nde manakokolak-ka.

AMSAL 31:22

Ana tenu aon, temak fo belan neu uman-na laten lain, bua papaken-na, nanatenuk neme tema a'balutu pilabalanggeok, fo mana'an-na seli.

KELUARAN 25:5

bi'ilopo mane-a loun-na fo lose pilas neun, banalou mangana'uk, ma ai akasia;

MAZMUR 45:15

Loon leo manek-ka neu no ana pake papake-ngganggao dula mata-matak, basa anafe'oana matatema-la, tia-lain-nala tunga loon, sila boeo soaneu manek-ka.

YESAYA 3:23

ba'du tema ni'ianan-nala, bua papake abalutun-nala, fefeo botoliin-nala ma tema manalu popoti langan-nala.