YESKIAL 14:14 - Susula Malalaok Hehelu Palak Ma Hehelu Beuk

¹⁴ Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 14:14 Referans Kwoze

YESKIAL 14:20

Ma leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, nakalenak sila anan-nala boeo, ta. Ka'da sila mesak-kasa, nde laso'da, nanahu sila tatao-nono'i malolen-na.”

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YESKIAL 28:3

O maedaenga, o malelam-ma lena heni Danel, nalosa o bubuluk basa dede'a nananafunik lala'en-na.

KEJADIAN 7:1

Boema Manetualain nafa'da Noh nae, “Au ita ka'da o mesa-mesam-ma nde, tao tunga Au hihii-nanaung. Da'di, masok leo ofak ndia dalek sama-sama moo basa o teidale-bobongim-mala lala'en-na.

YESKIAL 14:18

Ma leomae, na'kasa hataholi ka teluk-kala, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, lena-lenak sila anan-nala boeo, ta. Ka'da sila mesak-kasa, nde laso'da.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

DANIAL 10:11

Ata nusa so'dak ndia nafa'da au nae, “Danial, Manetualain sue-lai o. Fo'a fo mapadeik leona, fo nene'ne matalolole au hala kokolang ia. Au ia nananadenu basak fo mai leo o mai.” Lelek au amanene dede'ak ndia boema, au fo'a no au delengge'be-ngge'be.

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

KEJADIAN 6:8

Tehu Noh nandaa no Manetualain dalen-na.

YESKIAL 14:16

Leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, lena-lenak sila anan-nala boeo, ta. Ka'da sila mesak-kasa, nde laso'da, tehu nusak ndia, neukose ana da'di moo solokaek.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

DANIAL 1:6

Danial, Hananya, Misael ma Azarya, leme leo Yehuda mai, lai touana muli-soluk sila dalek boe.

YESKIAL 3:19

Metema, o fe hataholi mangalauk ndia nasanene'dak, tehu ana ta nau tukatei-saledale fa, de ana mate sama leo hataholi masala-masingok, tehu neukose o maso'da.

YESKIAL 16:18

O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 16:20

Basa boema, o tunu-hotu ita anan-nala, ina touk da'di tutunu-hohotuk soaneu sosongo-tatangok. O ta lilineka neu Au-a, beita dai fa do?

DANIAL 9:23

Lelek o mulai dokodoe neu Manetualain-na, Ana fe natataak. Au mai tui-bengan, nana Ana sue-lai o. Nah, mamanene matalolole, nai lelek au afa'da mangalele'do ninitak ndia sosoa-ndandaan.