YESKIAL 14:13 - Susula Malalaok Hehelu Palak Ma Hehelu Beuk

¹³ metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 14:13 Referans Kwoze

YESKIAL 4:16

Basa boema, nafa'da seluk nae, “Hai, hataholi daebafak fo, manasapu-manalalok-konei, neukose Au tao akalulutuk, mamana pepe'da nana'ak manai Yerusalem-ma. Neukose ala uku sila nana'an-na, ma sila oe nininun-na, fo la'a-linu no dalen-nala ta tesa-tama fa.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

YESKIAL 15:8

Ala ta lilineka neu Au fa, hu ndia de, Au tao dae ndia da'di moo solokaek. Au ManetualainFo Mademaina, nde manakokolak-ka.”

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 14:19

Bole da'di, Au fe he'di-laus leo nusak ndia neu, ma Au nasa-melung lua ponu-ponu soaneus, nalosa nau hataholi do bana-manu boe, neukose mate-mopos.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YEREMIA 32:43

Hataholi-la lafa'da lae, neukose nusak ia ana da'di sama leo mook solokaek-ka, fo hataholi daebafak-ka, ma bana manu ta leo fan, ma lae nusak ia ana tu'da lo hataholi Babel-la liman dale neu. Tehu Au afa'da ae, neukose lase'o-banasa seluk tina-osi nai nusak ia;

YESAYA 24:20

Daebafak-ka naleu-lilok, sama leo hataholi manamafuk-ka, ma naleuk sama leo moa nai sangu dale. Daebafak-ka hea neu, nanahu sala-singon belan-na. Ana nakalulutuk, de neukose, ana ta fo'a falik so'on.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

YESKIAL 25:13

Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

YEREMIA 36:29

Manetualain nadenu au afa'da ae leo ia neu manek-ka, “O hotuheni susulak nanalunuk ndia so, ma o matane neu Yeremia mae, tao le'e de ana sulak nae, neukose manek Babel-la mai fo ana tao nakalulutuk nusak ia, ana tao nisa laun-nala no basa bana-manu lala'en-na.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

YEREMIA 52:6

Nai bulak kahaa fain sio teuk ndia dalen-na, la'as matua mai de la'u-nala de ta lanuu nana'ak fa.

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”

YESKIAL 14:12

Manetualain nafa'da au nae, “Hai hataholi daebafak fo, manasapu-manalalok-konei,