YESKIAL 13:23 - Susula Malalaok Hehelu Palak Ma Hehelu Beuk

²³ Besak ia, emi ninitam fo nanapake taa-mala, ma emi mafa'da ela dede'a masapepekok-kala, nate'e so. Au soi-tefa-ala, Au anang-ngala leme emi fufu'di-oodo mangalaum-ma mai. Soona besak-ka, emi bubuluk mae Au nde, Manetualain-na.”

YESKIAL 13:23 Referans Kwoze

YESKIAL 13:21

Neukose, Au siiba'e emi tema popoti langam fo, nanuu koasa ndia, ma neukose Au soi-po'i Au anang-ngala leme emi fufu'di-oo'dom mangalaum ndia, losa dodoon-na. Soona besak-ka emi bubuluk, mae Au nde Manetualain-na.

MIKHA 3:6

“Hai nabi, emi faim-ma, hihii nae basan so; emi le'dom-ma sanga tenak so. Neukose emi ta hapu seluk ninitak fo nafa'da Au dale tutu'ung-ngala so'on. Neukose emi ta hapu mafa'da memak hata-hata so'on.”

YESKIAL 12:24

Ta hapu seluk ninitak, do dede'a nafa'da elak, pepekok nai Israel so'on,

NINITAK 12:11

Ita tolanoo nala ala sengin ninik Bi'ilopo Ana ndia daa na so, ma ninik hala ndoos maneme Manetualain fo ala tui-benga ka. Ala nau lanseli tunu-hotu so'da nala losa mate.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

YESKIAL 34:10

Au Manetualain Fo Mademaina, afa'da emi, ae emi musum-ma nde Au ia. Neukose Au ho'i falik Au bi'ilopong-ngala leme emi mai, fo Au ta fe falik-kasa leo emi neu so'on; Au ta fe emi loak, soaneu emi dodoo-dudu'a emi paluu mesam-ma so'on. Neukose, Au soi-po'i Au bi'ilopong-ngala leme emi mai, fo ela emi boso boe do'do fo emi bai.’ ”

NINITAK 15:2

Basa ndia boema, au ita hata esa meten soona, sama leo tasi titinok nanasese'dok ha'i. Boeo au ita hataholi fo manasengi bana ma lupa ao nanadoki dula nanasene-do'o ka, ma manasengi hataholi fo ala ta'du-tana na'de nala ninik bana ndia na'de na. Hataholi manasengik sila la lapadeik lai tasi titino ka su'u na, ma ala ho'u Manetualain fes kacapi la.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

2 TIMOTIUS 3:9

Hu ndia de, ala ta hapu-dai hata esa boen, nana basa hataholi la bubuluk basa sila nggoa na, sama na leo Yanes no Yambres boe.

1 KORINTUS 11:19

Memak nandaa, nasi'da-naba'e ka moli-da'di nai emi dalek, fo ela nananitak, see ka nde hataholi kamahehelek isi matetuk.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

YESKIAL 15:7

Neukose, Au hukus. Leomae lala ha'i-a deak, tehu neukose, ha'i-a tao namate-namopos boe. Soona besak-ka emi bubuluk, mae Au nde, Manetualain-na.

YESKIAL 14:8

Neukose Au la'ban-nana, fo Au taon da'di natutu'duk esa, ba'eneu fe'ek-kala. Neukose, Au kalua henin neme Au anang-ngala dalek mai, soona besak-ka, Au anang-ngala bubuluk lae Au nde, Manetualain-na.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”