YESKIAL 13:18 - Susula Malalaok Hehelu Palak Ma Hehelu Beuk

¹⁸ ma mafa'das hata fo Au, Manetualain Fo Mademaina, afa'da neus: ‘Soe ba'eneu emi! Emi tao aidook neu suek-kala, fo emi fe basa hataholi-la pake suek sila-la, ma emi fes ala pake tema popoti langak fo, nanuu be'i-balakai matuaina, fo ela hataholi manapakek-ka, ana hapu koasa hataholi fe'ek maso'dan-na. Emi mahiik koasa-ma Au anang-ngala masodan ma mamaten-nala, ma emi pake koasa ndia, fo neni fe emi nanalak.

YESKIAL 13:18 Referans Kwoze

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

YESKIAL 13:20

Manetualain Fo Mademaina, nafa'da basa inak fo, ala tao nono'kabai, sila nabi, ndia nae, “Au ta hii mete, emi pake suek nanatao aidook ndia, fo ela emi hapu koasa Au anang-ngala maso'dan do mamaten-na. Neukose, Au loso-a suek sila-la, leme emi lima lesum-ma mai, ma Au soi-po'i, emi koasa-ma hataholi-la.

2 TIMOTIUS 4:3

Nana neukose losa fai na te, hataholi a ta nau namanene nanoli ndo sa so'on. Te neukose ala tunga ka'da sila hihii-nanau mesa nala, ma laloo lakabubua mesen makadotok fo lanoli sila, hata fo nandaa no sila di'idoo namanenene na.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

YEREMIA 6:14

Ala mete Au anang-ngala bisun-nala soona lae, ka'da bisu anak mesan. Lafa'da lae, ‘Ah, ta hata-hata fa,’ basa-basan malole ma ta hata-hata fa. Te se'kona, ‘ta leondiak makandondook fa.’

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

YESKIAL 13:16

hai nabi masapepekok-kala lemin! Emi malame'i mae Yerusalem nee-nee lino-lino, te se'kona ta leondiak fa!” Manetualain Fo Mademaina, nafa'da nae leondia.

YESKIAL 13:10

Hai nabi masapepekok-kala lemin! Emi taom-ma Au anang-ngala latofa-latalak, nenik emi mafa'da mae basa hata lala'en-na, nee-nee lino-lino. Te se'kona ta leondiak fa! Au anang-ngala, ala tao papala nanadamak nenik batu bata, de basa boema emi mai de, emi lose ha'o neu papala nanadamak sila-la.

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

AMSAL 6:26

Manasosoa-piaok-ka hapu baen soona, belin-na ba'u nana'ak pingak esa, tehu manahohonge no hataholi fe'ek saoinan-na soona, muse ba'en nenik samanek.

YESKIAL 13:21

Neukose, Au siiba'e emi tema popoti langam fo, nanuu koasa ndia, ma neukose Au soi-po'i Au anang-ngala leme emi fufu'di-oo'dom mangalaum ndia, losa dodoon-na. Soona besak-ka emi bubuluk, mae Au nde Manetualain-na.