YESKIAL 13:17 - Susula Malalaok Hehelu Palak Ma Hehelu Beuk

¹⁷ Manetualain nafa'da nae, “Besak ia, hai hataholi daebafak fo, manasapu-manalalok-konei, taoafik neu basa inak fo, ala tao nono'kabai de, sila nabi nai emi leoina tala'da. Fes nasanene'da mahelek,

YESKIAL 13:17 Referans Kwoze

YESKIAL 13:2

“Hai hataholi daebafak fo, manasapu-manalalok-konei, fe nasanene'da mahelek neu nabi-nabi Israel fo, manakokolak dede'a nafa'da elak fo sila tao aon-na. Madenus fo, lamanene Au dede'a-kokolang.”

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

HAKIM-HAKIM 4:4

Nai lelek ndia, manamauli-malanga Israel-la nde been-na, nabi inak esa, na'de Debora, fo Lapidot saon-na.

LUKAS 2:36

Nai ndia boe hapu nabi inak esa namalasi nanseli so. Na'de Hana, fo Fanuel neme leo Ase ra, anan ndia. Hana saoana basa teuk hitu boema,

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

YESKIAL 21:2

“Hai hataholi daebafak fo, manasapu-manalalok-konei, Soo-supa mamana huhule-haladoik manai naa leona! Fe nasanene'dak neu dae Israel-la,

YESKIAL 20:46

“Hai hataholi daebafak fo, manasapu-manalalok-konei, mete leo boboak kona muu leona! Kena-ka'i dae boboak kona, ma fe nula manai naa-la, nasanene'da mahelek.

YESKIAL 4:3

Boema ho'i-ma ulebesi esa, fo mapadedeik-kana neu o ma kota ndia tala'da, fo ana da'di papala besi. Basa soona, masale leo kota ndia fo nono'kabai, o nde makahapi-ma kota ndia. Neukose ndia da'di dulak ba'eneu leoina Israel-la.

YESAYA 4:4

No Manetualain koasan-na, neukose naketu-nala'di ma Ana tao nalalao anan-nala. Neukose Ana tao nalalao Yerusalem neme hataholi nanataonisak manai kota ndia, daan-na.

HATAHOLI 21:9

Felipus ia anafe'on ha, de Manetualain fes malelak ma be'ibalakaik, fo ala tui-benga halak maneme Manetualain mai.

NEHEMIA 6:14

Au hule-haladoi ae, “Ou Manetualain, mafandendelek hata fo Tobia ma Sanbalat taon ndia. Hukus leona! Leondiak boe, nabi inak fo mana'de Noaja ma nabi-nabi fe'ek fo ala nau lakabibiik au-a.”