YESKIAL 11:18 - Susula Malalaok Hehelu Palak Ma Hehelu Beuk

¹⁸ Metema ala fali soona, neukose ala tu'u-tapaheni basa sosongo-tatangok fo, ta kandaak ma nanamaluak manai nusak ndia dalek-ka.

YESKIAL 11:18 Referans Kwoze

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESKIAL 14:11

Au tao basa sila-la, fo ela hataholi Israel-la, boso boe dook-ka leme Au mai, ma boso boe tao langgenggeo aoinan-nala, nenik sala-singok-ka. No enok ndia, neukose ala da'di Au anang, ma Au da'di sila Manetualain.” Au, Manetualain Fo Mademaina, nde manakokolak-ka.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”