YESKIAL 10:15 - Susula Malalaok Hehelu Palak Ma Hehelu Beuk

^15-17 Mahahaek sila-la nde, makahulun-na au itas leme Lee Kebar-ra su'un-na. Lelek mahahaek sila-la lakababale, do lakalalapa li'dan-nala fo ala kae leo lalai leu, ma ala laa leo uluk leu, do late'e soona, ban sila-la tunga tataas esa, nanahu mahahaek sila-la koasa ban-nala.

YESKIAL 10:15 Referans Kwoze

YESKIAL 1:5

Nai ko'as ndia tala'da heon, au ita mahahae nusa so'dak (kerub) fo lupan-na leo hataholi daebafak-ka,

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

YESKIAL 11:22

Mahahaek sila-la, ala mulai laa, de ban sila-la, ala tunga boe. Mandela-masa'ak fo, manada'di ta'du-tana esa neu Israel Manetualain, mamain-na, nai mahahaek sila-la lain.

YESKIAL 8:6

Boema, Manetualain nafa'da au nae, “Hai hataholi daebafak fo, manasapu-manalalok-konei, O mita beek ana da'di so? Taoafik neu hataholi Israel-la, ala tao tatao-nono'i nanamaluak-ka, fo ela Au dook-ka eme Au Umang-nga mai! Mai fo, Au atu'du o, tatao-nono'ik-kala, ta kandaak lena seluk bai.”

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.