YESKIAL 1:1 - Susula Malalaok Hehelu Palak Ma Hehelu Beuk

^1-3 Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 1:1 Referans Kwoze

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

HATAHOLI 7:56

Boema Stefanus nae, “Mitak! Au ita nusa so'da ka natahuka de au ita Ana Hataholi ka napadeik nai Manetualain boboa kona na!”

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

YESKIAL 11:24

Nai ninitak ndia dalek, au ita Manetualain Duladalen-na, ana so'u-na au, de no falik au leo hataholi nanatu'u-tapak manai Babel-la neu. Basa boema, ninitak ndia, mopok-kana.

HATAHOLI 10:11

Nita lalai natahuka, boema nita hata esa sama leo tema maloa esa, belona nai bu'un has nanalonak leo daebafa ka mai.

LUKAS 3:21

Basa de basa hataholi sila la nanasalani basak boema, Yesus boeo nanasalanik. Ma lelek ana bei hule-haladoi, boema lalai a natahuka,

YESKIAL 10:20

Au afandele, ae mahahaek sila-la nde, makahulun-na au ita Israel Manetualain-na, noos leme Lee Kebar-ra su'un-na.

YESKIAL 10:15

Mahahaek sila-la nde, makahulun-na au itas leme Lee Kebar-ra su'un-na. Lelek mahahaek sila-la lakababale, do lakalalapa li'dan-nala fo ala kae leo lalai leu, ma ala laa leo uluk leu, do late'e soona, ban sila-la tunga tataas esa, nanahu mahahaek sila-la koasa ban-nala.

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

YOHANIS 1:51

Yesus nafa'dan boe nae, “Tete'e ka, mamahele leona te neukose o mita lalai natahuka, fo o mita Manetualain ata nusa so'da nala, ala kona kae leo Ana Hataholi ka mai.”

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

YESKIAL 3:23

Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

YESAYA 1:1

Susulak ia isin-na, hala heheluk la'eneu Yehuda ma Yerusalem, fo Manetualain nafa'dan neu Yesaya, fo Amos anan-na, nai lelek Uzia, Yotam, Ahas ma Hizkia, ala paleta lai Yehuda.

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

2 KORINTUS 12:1

Memak ta hapu nanalak hata esa boen soaneu namatutua-namadedema ka fa. Tehu au boeo nau amatutua-amadedema dede'ak fo Manetualain natu'dun neu au nai ninitak dale.

MARKUS 1:10

Yesus bei kalua neme lee ndia dalek mai tutika, nita lalai a natahuka, de Manetualain Dula Dale na kona neu lain sama leo manupui kalua.

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

HOSEA 12:10

Tehu Au, fo emi Manetualain fo no emi kalua neme Masir mai-a, neukose Ana fe emi leo seluk nai lalaa temak-kala dalek, sama leo makahulun-na, fo nai lelek Au mai leo emi mai, nai moo solokaek-ka.

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

YESKIAL 3:15

Boema, au losa hataholi nanatu'u-tapak-kala mamana leleo-na, nai Tel-Abib, fo nai Lee Kebar-ra, su'un-na; au angatuuk de au dodoo basa hata lala'en fo, besak-ka au amanenen ma au itan ndia.

BILANGAN 4:3

boema sulak basa touk fo teun teluhulu losa limahulu, fo muse nakalala'ok nabe'i bela-ba'uk manai Manetualain Lalaa Teman-na.

KELUARAN 24:10

de lita Israel Manetualain-na napadeik nai hata esa lain, sama leo uma latek fo nanataok neme batu nilam-ma mai, ma mangale'dok sama leo lalai-a namaneu.

KEJADIAN 46:2

Nai ninitak esa dalek, nai fai le'odaek, Manetualain nafa'dan nae, “Yakob, Yakob!” Nataa nae, “Ou Manetualain.”

HATAHOLI 10:3

Faik esa boema, fafa'kama la'e li'u telu lele'do na, boema nita no mangale'dok nai ninitak esa dalek, Manetualain ata nusa so'dan esa mai de nalon nae, “Kornalius!”

MATEOS 17:9

Lelek fo ala kona leme letek lain mai, boema Yesus pa'da kasa nae, “Boso mafa'da na'kasa emi mita manda'dik ndia, neu hataholi esa boen, metema Ana Hataholi ka, Ana beita naso'da falik neme mamate sa mai fa.”

YESKIAL 10:22

Sila mata-panan lupan-na, sama leo au ita mahahaek manai Lee Kebar-ra su'un-na, mata panan boe. Esa-esak, la'ok ndoos leo uluk neu.

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

LUKAS 3:23

Nai lelek Yesus mulai ho'u ue-le'din te fafa'ka ma teun teluhulu so. Tunga hataholi a hahapu na soona, Yusuf anan Ndia, Eli anan,

YESAYA 6:1

Nai teuk fo mate Manek Uzia dalek, au ita Manetualain. Nangatuuk nai kandela manen madema ma mandela-masa'an lain. Ba'du manalun-na, poti ketu Manetualain Uman-na lala'en-na.

MAZMUR 137:1

Ami mangatuuk nai lee Babel-lala su'un-na, de ami kii, metema ami mafandele Sion.

YEREMIA 29:15

Tunga emi dudu'am-ma soona, Manetualain nde fe emi nabi-nabi nai Babel.

YESKIAL 10:1

Boema, au anganalo leo dano nanataok neme titino mangadilak manai mahahaek sila-la lain neu, de au ita hata esa, sama leo kandela manek-ka, nanataok neme batu poemata dula balau-a mai.