YESAYA 9:3 - Susula Malalaok Hehelu Palak Ma Hehelu Beuk

³ O ho'i-ma lelepa mabelan-na so ma lelepak-ka neme alun lain mai. O sengi leoina manatuni-ndenik ndia fo manalumu-ese O anam-mala. Sama-na leo nai tepo-lelek makahulun eli, lelek O sengi solda'du Midian-nala.

YESAYA 9:3 Referans Kwoze

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

YESAYA 26:15

Ou Manetualain, O ta mamade'u ami, fo O anam-mala so, ma O tao mamaloa ami nusam-ma, hu ndia de, O nananamatutua-namadedemak.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

YESAYA 65:18

Mamahoko-setelee, ma hika-matadale losa dodoon-na, nanahu hata fo, Au akadada'dik-kana. Au akadada'dik Yerusalem beuk, fo henuk no namahoko-seteleek-ka, ma laun-nala, hika-latadale.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

SEMUEL SUSULAK-KA ESAN-NA 30:16

Boema, nos leo solda'du sila-la mamanan-na neu. Nai lelek ndia, solda'du sila-la lapanggela lai basa mamanak ndia lala'en-na, boema la'a-linu ma ala feta-dote, nanahu ala kalo leni bua-lo'a kakalok makadotok leme nusa Filistin ma Yehuda mai.

LUKAS 11:22

Tehu metema hataholi esa balakai na lena, fo ana sapu nan ma ana sengin, soona hataholi fo balakai na lena ndia, neukose ana loso na basa tee-tafa fo uma lamatuak namahenak ndia, boema ana baba'e basa bua-lo'as fo ana loso nalas.

MAZMUR 4:7

Hataholi makadotok latane lae, “See nde, neukose ba'e-pala ita?” Ou Manetualain, ela leo bee-na, O dalem-ma, nahiik no ami.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

ZAKHARIA 10:8

Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

ZAKHARIA 8:23

Nai faik ndia, neukose hataholi nusa dea 10 mai leo hataholi Yahudi esa mai, fo lafa'da lae, ‘Ami boeo mahiik maua-manale sama leo emi boe, nana ami mamanene, lae Manetualain ba'e-pala emi.’ ” Manetualain Fo Manakoasa nde manakokolak-ka.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

HOSEA 4:7

Hai imam mala lemin! Emi boetai mamade'uk-ka, de emi boetai tao sala-singok neu Au! Hu ndia de, neukose Au tao asafali emi ha'da-tataom: Neukose emi ta nanafe ha'da-holomatak fa, tehu emi nananakadadaek.

YEREMIA 31:7

Manetualain nafa'da nae, “Makamee no namahoko-setelek ba'eneu Israel, fo Au anang-ngala – leoina fo makasososak nai basa leoina lala'en-nan-na. Makame-makame kokoa-kikiok ma tui-benga mae: ‘Manetualain soi-po'i hataholin fo bei elak-kala neme anan-nala mai.’

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 61:7

Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

YESAYA 55:12

Neukose emi la'oela Babel no namahokok, ma nana-no falik no so'da-molek. Letek-kala, ma pupukuk-kala, neukose lamahoko-setelee, ma hika-latadale, ai manai tina-la, totoko liman-nala.

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

YESAYA 35:2

Moo solokaek-ka, nakapela de bunan-na lakaseti, ma nakamee lelengoaon nenik nakamee namahoko-seteleek. Lole-napun, sama leo letek Libanon-na, be'i-balakain sama leo Bafak Karmel ma Saron. Boema basa hataholi-la neukose lita Manetualain koasan-na, ma ita Manetualain-na, matua-mademan.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

NEHEMIA 9:23

O makadada'dik tititi-nonosin-nala de'u nduuk manai lalai-a. O fes dae fo ala leo, dae fo O helu basan neu bei-ba'i kain so.

HAKIM-HAKIM 5:3

Mamanene leon, hai basa mane-manek-kala ma maneana-la lemin, au akamee ba'eneu Israel Manetualain-na, fo nde Manetualain.

HATAHOLI 8:8

Boema hataholi manai Samaria la lamahoko lanseli.

AYUB 12:23

Ana taon-na leoina-la lakapela, ma tetu-temak, boema, Ana tao namopo-namates, losa beelutu.

YESAYA 65:14

Te'e-te'e, neukose ala eeki-latadale, tehu emi kii noi-noi.

IMAMAT 26:13

Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

HAKIM-HAKIM 7:22

Lelek Gideon ma hataholin-nala puu pupuun-nala, Manetualain fe solda'du musu-a, esa sapu-na esa nenik tafaina. Lalai lasale leo Zesera leu, losa Bet-Sita ma kota Abel-Mehola, fo deka no Tabat.

HAKIM-HAKIM 8:12

Zebah ma Salmuna, fo Midian mane ka duan sila-la, lalai, tehu Gideon usi tungas, de ana ho'un-nalas, nalosa solda'dun-nala lala'en-na, lapangamak.

YESAYA 10:26

Au, Manetualain Fo Manakoasa, neukose Au filuk-kasa nenik ue, sama leo Au anoli hataholi Midian-nala leme lete batu Oreb-pa. Neukose Au huku Asyur, sama leo Au huku Masir.

YESAYA 14:5

Manetualain tao nate'e manakoasa mangalauk-kala paletan