YESAYA 9:2 - Susula Malalaok Hehelu Palak Ma Hehelu Beuk

² Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

YESAYA 9:2 Referans Kwoze

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

YOHANIS 12:46

Au mai leo daebafak ia mai fo da'di mangale'dok, fo ela basa hataholi fo lamahele Au a, ala boso leo nai makahatu ka dalek.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

MAZMUR 107:10

Hapu nggelok langatuuk nai makahatuk dale, hataholi nanahukuk, fo ana doi-doso nai lange besi dalek,

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

MAZMUR 107:14

Ana noos kalua leme makahatuk dale mai, ma Ana tao nala'di sila langen-nala.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

YESAYA 9:1

Leoina fo naso'da nai makiu-makahatuk-ka dalek, lita mangale'dok-ka; sila fo manaleo manai mamates-sa salaon-na dalek, mangale'dok-ka nasalaa nalas.

AMOS 5:8

Manetualain nde tao nduuk manai lalai-la – nduuk Belantik ma nduuk Kartika: Ana tao nasafali makahatuk-ka da'di mangale'dok, ma lele'dok-ka da'di le'odaek; Ana po'a oe manai tasi dale-a leo ma'dak lain mai, Fo manatao basa sila-la, na'den-na nde Manetualain.

AYUB 10:21

Ta dook-ka so'on te, au u leo nusa makahatuk, ma makiuina dalek u, fo au ta fali so'on,

HAKIM-HAKIM 5:30

“Ala bei baba'e bua-lo'a kakalok-kala, soaneu solda'du esan-na, ana hapu anafe'oana matatema esa do dua. Sisera, hapu tema ba'du mabeliina, ina manek-ka, hapu salendang nanaseu dula mata-matak.”

MAZMUR 4:8

O fe au, namahoko-seteleek, lena ba'uk-ka neme sila fo, nai lelek sila gandum-ma sasi kao-kao.