YESAYA 8:13 - Susula Malalaok Hehelu Palak Ma Hehelu Beuk

¹³ Mafandendelek leona, te Au, Manetualain Fo Manakoasa nde been-na, malalao-malalafuk. O muse bii-mamata'u ka'da neu Au mesang-nga.

YESAYA 8:13 Referans Kwoze

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MALEAKHI 2:5

Nai hehelu-balatak ndia dalek, Au helu fes so'dan-nala nee-nee lino-lino ma so'da-molek, ma Au adenus, fo ala fe ha'da-holomata neu Au. Nai tepo-lelek ndia, memak ala fe ha'da-holomata neu Au, ma ala bii-lamata'u neu Au.

YESAYA 29:23

Nana, metema emi mete Au fe emi ni'iana-la, soona neukose emi manaku, mae Au nde Israel Manetualain fo malalao-malalafun-na. Neukose emi fe ha'da-holomata neu Au, ma emi bii-mamata'u neu Au.

KEJADIAN 31:53

Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan.

ROMA 4:20

Abraham namahele nahele ma dale na ta naba'e neu Manetualain hala hehelun ndia. Nakalenak namahehele na tao nan boetai balakaik de nalosa ana koa-kio Manetualain.

BILANGAN 27:14

nana emi dua la'ban Au paletang-nga neme moo solokaek Zin-na. Lelek basa laun-na lala'en-na, bemumu loo Au neme Meriba, tehu emi ta nau matu'du Au koasang-nga nenik oe ndia, nai sila matan fa.” (Manada'dik ndia, ana da'di neme oemata Meriba nai Kades, fo nai moo solokaek Zin-na.)

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

YESAYA 5:16

Tehu Manetualain Fo Manakoasa natu'du matua-mademan nenik Ana tao hata fo ndoos. Neukose natu'du malalao-malalafun, nenik naketu-nala'di leoinan-na.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

IMAMAT 22:32

Boso tao manggenggeo Au na'de malalao-malalafung-nga. Basa leoina Israel-la lala'en-na, muse sene-do'ok neu Au, da'di leo Fo Malalao-malalafuk nanseli. Au nde Manetualain, de Au tao-a emi da'di malalao-malalafuk.

SEMUEL SUSULAK-KA ESAN-NA 11:7

Namanasa nanseli, de ana pa'a-na sapi dua, boema ana tete'tes da'di bibia makadotok. Basa boema, ana haitua paa bibiak sila-la leo basa dae Israel-la lala'en-na neu, no paleta nae leo ia, “See ta tutulumatak fo natee-nata'ti tunga Saul no Semuel fa soona, neukose sapi-na nanatete'tek leo iak boe!” Leoina Israel-la bii neu hata fo fafa'kama Manetualain tao-no'in, boema basa hataholi-lala'en-na, ta ela esa boen, laheheleaon soaneu tutulumatak fo latee-lata'ti sama-sama.