Boeo boso bii, metema emi mamanene halak la'eneu matee-matati kala ma manamafofo'a musu la. Basa sila la muse ala da'di lakahuluk. Tehu ndia sosoa na ta nae fai mate'e ka losa so.”
Manetualain nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”
Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.
Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”