YESAYA 66:3 - Susula Malalaok Hehelu Palak Ma Hehelu Beuk

³ Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

YESAYA 66:3 Referans Kwoze

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

YESAYA 66:17

Manetualain nafa'da nae, “Basa hataholi fo manatao lalao-lalafu aoinan-nala, fo leu leo lamatua daebafak-kala osin-nala leu ma sene-do'ok neus-sala, neukose mopok-kasa sama-sama lo hataholi mana'a paa bafi, ma paa lafo, boema nana'a nanamalua fe'ek-kala.

YESAYA 65:12

Neukose emi basa-basam-mala mate, da'di leo tutunu-hohotu laka-nakasetik. Nana lelek Au aloo, emi ta mataa fa, ma lelek Au kokolak, emi ta mamanene fa. Emi nau ka'da lena-la'ban Au, ma tao hata fo mangalauk.

IMAMAT 2:2

Muse nenin leo imam-imam fo Harun tititi-nonosin-nala neu. Imam malalau-maoonok-ka muse ho'in-na ha'desopuk ndia nafanggetek esa, no mina setun-na, ma boomenin-na lala'en-na, fo tunun nai mei tunu-hotuk lain, fo da'di leo ta'du-tana, nae basa-basan lala'en-na, nanatunu-hotuk basak soaneu Manetualain so. Tutunu-hohotu nana'ak ndia boon-na, nandaa no Manetualain dalen-na.

AMSAL 21:27

Manetualain nape'da dale nasak, hataholi malelesik-ka tunu-hotun fa, nakalenak, metema ana tunu-hotu no muu-dauk.

ULANGAN 23:18

Doik fo, ana hapun neme sosoa-piaon mai boeo, ta bole menin leo emi Manetualaim-ma Uman-na neu fa, fo bae nasar, nana emi Manetualaim-ma, ta hii mete manasosoa-piaok manai uma sosongo-tatangok-kala, ma manasosoa-piaok-kala, doi sese'ban-na fa.

ULANGAN 14:8

Boso mi'a bafi paan-na. Manetualain ta nau ta'a bana sila-la, paan-na fa, nanahu leomae eifangan-nala kaba'ek, tehu ala ta doa-aale fa. Ta bole mi'a paan-nala, ma ta bole koila'e bana mates popolan-na fa.

HAKIM-HAKIM 10:14

Ka'da meu leo lamatua daebafak, fo emi helek ndia. Maloo bou neus! Nemen-na, fo sila nde da'di manatulu-manafali, nai lelek emi nai toto'a-tataak-ka dalek.”

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

HAKIM-HAKIM 5:8

Lelek Israel mulai sene-do'ok neu lamatua daebafak-ka, natee-natatik-ka, da'di nai sila nusan-na; palani ta'ti batu lifun haahulu nai leoina dalek, ta hapu hataholi esa boen, ana so'uk tafa-sisilo fa.

YESAYA 44:19

Manatao dodoki-dudulak ndia, ana ta dodoo losa, “Au hotu ai sila-la seli, de au pake kaan-nala soaneu tunu loti, ma dala paa, fo au u'a. Boema, bei ela ai sila-la, au taon da'di dodoki-dudulak. Da'di besak ia, au sene-do'ok neu ai bibiak esa.!”

YESAYA 65:2

Au aheheleaong tataas esa, soaneu sipok Au anang-ngala, tehu ala nau lalenalanga-lasa'basoo. Leoina ndia, ana tao hata fo mangalauk, ma ana tunga dale tutu'u mesan-na.

YEREMIA 6:20

Sosoak hata, sila leni fe Au boomenik neme Syeba mai, do bumbu-bumbu-la leme nusa dook mai? Au daleng-nga ta hii sipo sila tunu-hotun fa. Au ta hii sila tutunu-hohotu nanatunun-na fa.

HAKIM-HAKIM 21:25

Nai tepo-lelek ndia, manek beita nai Israel. De hataholi-a esa-esak, tao su'di beek fo nafa'da nae la'en.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

HAGAI 2:14

Basa boema, Hagai kokolak seluk nae, “Manetualain nafa'da nae, nakanenetek ndia boeo, ana da'di ba'eneu hataholi Israel manaleo nai nusak ia, ma basa hata lala'en fo neme sila ue-osan buna-boan mai. Da'di, hata fo sila fen nai mei tunu-hotuk ia lain nde been-na, manggenggeok.”