YESAYA 61:3 - Susula Malalaok Hehelu Palak Ma Hehelu Beuk

³ soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YESAYA 61:3 Referans Kwoze

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

YOHANIS 16:20

Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

PENGKHOTBAH 9:8

Nemen-na fo o mata-panan namaneu ma napena.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

MAZMUR 23:5

O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

ZAKHARIA 3:5

Ata nusa so'dak ndia boeo, ana paleta malalau-maoonon-nala, fo ala tao bulamolik balisi neu Yosua langan-na. Ala tao tunga paleta ndia, de basa ndia boema, ala pake Yosua bua-lo'a beuk ndia, no Manetualain ata nusa so'dan-na naneas.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

ESTER 8:15

Basa ndia boema, Mordekhai kalua la'oela uma manek-ka, no ana pake papake matua-madema momo'dok, ma fulak, ba'du manalu pilabalanggeok-ka neme tema abalutu-a mai, ma bulamolik lilopilas-sa, mana'ahiik nanseli. Kota Susan-na eeki-latadale, nanahu lamahoko lanseli.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

MAZMUR 104:15

de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

MATEOS 15:13

Boema Yesus nataa nae, “Bubu'u-palusa fo Au amang manai nusa so'da ka, ta nde sele nana fa soona, neukose nanafe'a henik.

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

IBRANI 1:9

O nau tunga matetu na, ma O mamanasa tipu-dai ka; Hu ndia de Au, O Manetualai ma, Ana hele O, Ma Ana fe O ha'da-holomata fo nini namahokok, lenaheni O nonoo mala.”

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

YESAYA 26:2

Soiheni lelesuina-la leona, fo ela leoina manalilinekak-kala masok, leoina fo, tao tunga ndia Manetualain-na hihii-nanaun.

YESAYA 44:23

Hai lalai, mamahoko-setelee leona, hai dabafak-ka buin-na, mamahoko-setelee leona! Hai letek-kala lemin, mamahoko-setelee leona! Ma basa ai manai dalek-kala! Nana Manetualain natu'du basa matua-mademan nenik Ana soi-tefa-na anan Israel so.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YESKIAL 34:29

Neukose Au fe tinan-nala, labuna-laboa no malole, nalosa ta lamala'a-lamandoe lai nusak ndia so'on. Neukose leoina fe'ek-kala, ta lakamumulu-lakamamaek-kasa so'on.

YESKIAL 47:7

de au ita, ai makadotok nanseli, lai lee ndia su'un duas.

MAZMUR 30:12

O tao nggati au kii-makaleleung nenik fofoti-lolongek. O ho'i-ma au dale he'ding-nga, ma O tao mahenu au daleng-nga, nenik namahokok.