YESAYA 6:3 - Susula Malalaok Hehelu Palak Ma Hehelu Beuk

³ Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

YESAYA 6:3 Referans Kwoze

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

BILANGAN 14:21

Tehu Au aheluk inik Au aoinang-nga, ma nenik Au fo maso'dak, ma manakoasan-nai daebafak ia,

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

YESAYA 40:5

Boema Manetualain matua-mademan, neukose nananatu'duk; basa hataholi daebafak lala'en-na, neukose lita matan. Tete'ek-ka, Manetualain mesak-kana, helu basan so!”

YESAYA 24:16

Nakamee kokoa-kikiok soaneu Israel fo, leoina manatunga paleta, nananamanenek neme daebafak-ka bu'un-na mai. Tehu soe ba'eneu au! Au aong-nga ta napena fa. Malelesik-ka, bei nalelesi nakandoo, nakalenak ala boetai lalelesik-ka.

MAZMUR 57:11

Nana O susue-lalaim matuaina, losa leo lalai neu, ma O lilinekam losa leo ko'as-sa neu.

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

MAZMUR 90:16

Matu'du O tatao-nono'im neu ami fo atam-mala, ma O koasam fo neni namahoko-seteleek fe ami tititi-nonosim.

MAZMUR 97:6

Lalai tui-benga ndoos ma matetun-na, ma basa leoina-la lita mandela-masa'an.

MAZMUR 99:3

Nemen-na fo, ala koa-kio na'den fo mandela-masa'ak-ka. Ndia malalao-malalafuk.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

YESKIAL 44:4

Basa boema, touk ndia noo au leo lelesuina kii, fo nasasalematak no Manetualain Uman-na. Au taoafik matalololen boema, au ita Manetualain mandela-masa'an poti-na Manetualain Uman-na, fo da'di ta'du-tana nae, Manetualain nai ndia. Boema au bala uu de, au sene-do'ok,

MAZMUR 8:2

Ou Amak, fo ami Manetualaim-ma, O koasam-ma nanakoa-nanakiok, nai daebafak-ka lala'en-na! O matua-mademan, dema lena heni lalai

MAZMUR 66:2

Makamee ma mamatutua-mamadedema na'den-na, Koa-kion nenik kokoa-kikiok.

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.