YESAYA 6:1 - Susula Malalaok Hehelu Palak Ma Hehelu Beuk

¹ Nai teuk fo mate Manek Uzia dalek, au ita Manetualain. Nangatuuk nai kandela manen madema ma mandela-masa'an lain. Ba'du manalun-na, poti ketu Manetualain Uman-na lala'en-na.

YESAYA 6:1 Referans Kwoze

YOHANIS 12:41

Yesaya nafa'da nae leondia nana, nita basa Yesus matua-mademan so. Hu ndia de ana kokola kana.

NINITAK 15:8

Boema Manetualain Uman ndia henuk no ha'imasuk maneme Manetualain matua-mademan ma koasa na mai. Ata nusa so'da kahituk fo manini susa-soe kahituk sila la beita nate'e fa soona, ta hapu hataholi esa boen hapu masok leo Manetualain Uman dale neu.

DANIAL 7:9

Lelek au bei mete akandoo te, lapadedeik kandela manek de'ubee. Boema Ndia fo so'dan-na manaketu basa taak-ka, nangatuuk nai kandela manek sila-la esa lain. Bua papaken-na ma langadoon-na fula balisi sama leo a'bas-sa. Kandela manen-na no kandelan-na ein-na pila lo'a-lo'a, nanahu ha'i pilak-ka,

MAZMUR 113:5

See sama leo, ita Aman Manetualain? Ana nangatuuk nai kandela manen lain, nai mamana mademaina.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

MAZMUR 108:5

Nana, O susue-lalaim matuaina, losa lalai ma O lilinekam, losa ko'as-sa.

NINITAK 4:2

Tutika Manetualain Dula Dale na koasa na au. Boema au ita nai nusa so'da ka hapu kandela manek esa, ma hataholi esa nangatuuk nai kandela manek ndia lain.

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 1:1

Susulak ia isin-na, hala heheluk la'eneu Yehuda ma Yerusalem, fo Manetualain nafa'dan neu Yesaya, fo Amos anan-na, nai lelek Uzia, Yotam, Ahas ma Hizkia, ala paleta lai Yehuda.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

YESKIAL 10:1

Boema, au anganalo leo dano nanataok neme titino mangadilak manai mahahaek sila-la lain neu, de au ita hata esa, sama leo kandela manek-ka, nanataok neme batu poemata dula balau-a mai.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

NINITAK 6:16

Lalo neu lete kala ma batu sila la lae, “Mapaluni ma ami leona! Mafuni ami neme Ndia fo nangatuuk nai kandela manek lain mata na ma neme Bi'ilopo Ana ndia nasa-melun mai!

2RAJA-RAJA 15:7

Uzia maten, de latoin nai mana-manek manai Kota Dauk-ka, mamana loo-laten-na. De anamanen Yotam, nggatin da'di manek.

NINITAK 5:7

Basa boema Bi'ilopo Ana ndia neu leo mata neu, de Ana ho'i na susula nanalunuk ndia neme hataholi fo nangatuuk nai kandela manek ndia lima kona na mai.

NINITAK 4:3

Hataholi ndia mata panan nahaa sama leo poemata baiduri pandan pila momo'dok ma poemata dalima. Elus esa dula zamrud ana feo na kandela manek ndia.

NINITAK 4:9

Mahahae kahak sila la lakamee nakamee kokoa-kikiok, ha'da-holomata, ma makasi neu Ndia fo nangatuuk nai kandela manek ndia lain, fo nde Ndia fo naso'da losa dodoo na. Ma nai lelek mahahaek sila lakamee soona,

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

2TAWARIKH 18:18

Mikha nafa'da seluk nae, “Besak ia mamanene hata fo Manetualain nafa'dan! Au ita Manetualain nangatuuk nai kandela manen lain nai nusa so'dak-ka, ma basa ata nusa so'dan-nala lapadeik deka loon.

YESKIAL 10:4

Manetualain mandela-masa'san, nandela neme mahahaek sila-la mai, fo ana da'di ta'du-tana la'eneu Manetualain mamain-na, ana lali leo lelesu masok leo Manetualain Uman-na neu, nalosa uma so'dan-na mangale'dok.

DANIAL 10:17

Au sama leo ata fo napadeik nai tuan-na matan. Tao leo bee fo au hapu kokolak o Tuan? Basa au balakaing-nga so, ma au hahaeng-nga nakase'e.”

KELUARAN 24:9

Basa boema, Musa, Harun, Nadab, Abihu ma mauli-malangan ka hituhuluk sila-la kae leo letek lain leu,

AYUB 42:5

Makahulun-na, au malelang soaneu O-a, au amanenen ka'da neme hataholi mai, tehu besak ia, au alelak O, nenik tasasalematak.