YESAYA 59:1 - Susula Malalaok Hehelu Palak Ma Hehelu Beuk

¹ Boso maedaenga Manetualain tapandoes nanseli, soaneu soi-tefa emi, do pakek nanseli, soaneu namanene emi hala naloloom-ma.

YESAYA 59:1 Referans Kwoze

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

BILANGAN 11:23

Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

YESAYA 58:9

Metema emi hule-haladoi soona, neukose Au sipok-kana. Metema emi maloo bou-bou neu Au soona, neukose Au ataa. Boso tuni-ndeni seluk, emi nono hataholim-ma, hahae tao musu, ma hahae kokolak manggenggeo hataholi na'den.

YESAYA 6:10

Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YESAYA 63:1

“See hataholi ndia, fo manamaik neme Bozra nai Edom-ma? ba'dun-na pilas, bua papaken-na nahaa; ana la'ok no be'i-balakaik matuaina.” “Au nde Manetualain fo, nanuu be'i-balakaik, soaneu soi-tefa, ma Au mai, uni hala sesengik.”

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

SEMUEL SUSULAK-KA ESAN-NA 4:3

Lelek bei ela solda'du manakala-kala, ala fali leo mamana oofuk-ka, boema basa mauli-malangan Israel-la lafa'da lae, “Tao le'e de, Manetualain po'ilotak hataholi Filistin-nala sengi ita nai faik ia dalen-na.? Mai fo teu ho'i-ta, Manetualain Peti Hehelu-balataan nai Silo, fo tenin leo ia mai, fo ela Manetualain nau tulu-fali ita, fo soi-tefa-na ita teme musu mai.”

SEMUEL SUSULAK-KA ESAN-NA 8:18

Metema tepo-lelek ndia losa soona, neukose emi haladoi, hu kande manek fo emi helen ndia, tehu Manetualain ta nau namanene emi haladoim ndia fa.

MAZMUR 94:9

Manetualain nde tao di'idook-ka, ade ta namanene fa do? Ndia nde tao matak-ka, ade ta nita fa do?

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!