YESAYA 49:4 - Susula Malalaok Hehelu Palak Ma Hehelu Beuk

⁴ Tehu au afa'da ae, “Au sosota-mamangung, palsuma; au basa au be'i-balakaing, no sosoa-ndandaa tak!” Tehu au amahele Manetualain nasala'e au hak-ka, Manetualain balas au, tunga au tatao-nono'ing.

YESAYA 49:4 Referans Kwoze

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

GALATIA 4:11

Au bibii ka'da, boso nalosak au sosota-mamangung soaneu emi a, manda'di tak.

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

2 KORINTUS 2:15

Nana ami nde bee na, sama leo kaboomini ka boo na, fo naboomini fo Kristus nde tunu-hotun soaneu Manetualai na. Ba'eneu hataholi fo nasasale matak no momopo-mamate sa, ami ia sama leo mamate ka'boo ka, fo boo na nanisa. Tehu ba'eneu hataholi fo bei hapu nanasoi-tefak, soona ami sama leo kaboominik fo boo mini na ninis leo maso'da ka neu. Naa, see ka nde tao natetu bela ba'uk ia?

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

YESKIAL 3:19

Metema, o fe hataholi mangalauk ndia nasanene'dak, tehu ana ta nau tukatei-saledale fa, de ana mate sama leo hataholi masala-masingok, tehu neukose o maso'da.

YESAYA 65:23

Basa hata fo ala tao-no'in, neukose neni buna-boak, ma sila anan-nala, neukose ta mate no kaiboik fa. Sila ma sila tititi-nonosin, neukose Au fes baba'e-papalak losa dodoon-na.

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YESAYA 40:10

Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

ROMA 10:21

Tehu Yesaya kokolak la'eneu hataholi Israe la nae, “Manetualain nae leo ia, ‘Nai fai katemak esa dale na, Au lok Au lima nga neu leoina fo langa batuk ma ta tunga paleta fa.’ ”

YOHANIS 1:11

Ana mai leo nusa na mai, tehu hataholi nala ta sipo kana fa.

LUKAS 24:26

Ade Mane Mana Fe So'da ka muse Ana la'ola'di nakahuluk basa doidosok sila la, fo besa ka nanatao nandela-nasa'ak do ta?”

YESAYA 65:2

Au aheheleaong tataas esa, soaneu sipok Au anang-ngala, tehu ala nau lalenalanga-lasa'basoo. Leoina ndia, ana tao hata fo mangalauk, ma ana tunga dale tutu'u mesan-na.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

AMSAL 29:26

Hataholi ba'uk-ka, ala nau sosolo manakoasa-la dalen-na, tehu manafe ndoos ma matetuk-ka, nde ka'da Manetualain mesak-kana.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 40:27

Da'di Israel, tao le'e de o hoo-nggu'um, nono'kabai, o Amam Manetualain, ta bubuluk o toto'a-tataan fa? Nono'kabai, Ana ta taoafik neu o so'dam-ma fa, ma Ana ta taoafik neu o hak-ka fa?

YESAYA 57:21

Ta hapu tetu-temak, ba'eneu hataholi masala-masingok-ka fa,” Manetualain nae leondia.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”