YESAYA 49:1 - Susula Malalaok Hehelu Palak Ma Hehelu Beuk

¹ Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 49:1 Referans Kwoze

YEREMIA 1:5

“Au beita fe o lupa-aok nai o inam tein dale fa, ma beita bongi o fa te, Au hele ma Au so'u basa o, soaneu da'di nabi ba'eneu leoina-kala.”

GALATIA 1:15

Tehu no Manetualain dale malole na de, beita bongi au boen te, Ana hele ma nalo au fo, au alalau-aoonon.

YESAYA 44:2

Au nde Manetualain fo manamakadada'dik o-a, fo manafe o lupak, mulai neme o inam nailu o, ma manatulu-fali o. Boso bii, te Au atang-nga nde o, Au ana heheleng fo, Au sue-laik-ka.

YESAYA 49:5

Beita bongi au fa, te Manetualain naloo au, fo au da'di Ndia atan, soaneu au tao akabubua hataholi Israel-la fo ela, ala fali ma'is leo Ndia mai. Manetualain taon-na au da'di, hataholi nanafe ha'da-holomata, Manetualain nde been-na, au bei-balakaing.

LUKAS 1:31

Neukose o mailu, fo o bongi ni'iana esa, fo o muse foin na'de Yesus.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.

LUKAS 1:15

Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

YOHANIS 10:36

naa, tao le'e de emi mafa'da mae, Au akamumulu-akamamaek Manetualain, hu ka nde Au afa'da ae, Manetualain Anan Au? Te see ko na, Manetualain nde hele Au de nadenu Au mai leo daebafa ka mai.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

YESAYA 57:19

Neukose, Au fe tetu-temak neu basa hataholi-lala'en-na, nau manai mata, do manai dook-kala boe. Neukose Au tao alea-ahai Au anang-ngala.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 46:3

Mamanene Au, hai Yakob tititi-nonosin-nala, emi basa-basam fo Au anang bei elak-kala lemin. Au akaboboi emi neme lelek bongi emi mai so.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

EFESUS 2:17

Hu ndia de Kristus mai fo Ana tui-benga Hala Malole la'eneu mole-dame ndia neu emi; nau soaneu emi hataholi ta Yahudi fo makahulu na, emi doo ka mo Manetualain, do soaneu hataholi Yahudi fo ala deka lo Manetualai na boe.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 42:12

Malole lenak, ala lamatutua-lamadedema Manetualain, ma taom-ma na'den-na nananita-nalelak, nai nusa dook-kala.

YESAYA 41:1

Manetualain nae, “Bedenge leon fo mamanene Au, hai laun manai nusa dook-kala lemin. Maheheleaom, fo meu leo manakee-manafula meu tutulumatak fo, kalaak emi dede'am-ma. Mai fo, ata takabubua tala halak esa, soaneu taketu-tala'di, see ndoos ma see sala.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

MAZMUR 22:10

O nde fe au kalua eme au inang tein dale mai, ma O taom-ma au nee-nee lino-lino nai au inang ifan lain.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 33:13

Nemen-na fo, hataholi manadekak-kala, do manai dook-kala, lamanene la'eneu Au tatao-nono'ing, fo ala manaku Au koasang-nga.”

YESAYA 45:3

Boema neukose Au fe o su'i-betes fo, nananafunik-ka, fo ela o bubuluk, Au nde Amak, fo Israel Manetualain, fo naloo basa o, nenik o na'dem-ma,

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 52:13

Manetualain nafa'da nae, “Tete'ek-ka, Au atang-nga, neukose ana hapu buna-boak; neukose nanakoa-kiok, ma nananamadedemak.