YESAYA 48:6 - Susula Malalaok Hehelu Palak Ma Hehelu Beuk

⁶ Basa Au dede'a nafa'da elang, fo o mamanenek-kala, ala da'di so; o muse manaku, mae Au hala-kokolang sila-la, la'en. Besak ia, Au tui-benga dede'a beuk-kala, nanabibila-babaak-kala, fo o beita bubuluk-kana fa.

YESAYA 48:6 Referans Kwoze

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

YESAYA 42:9

Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

MATEOS 10:27

Hata fo Au afa'dan neu emi ia, bei nai makahatuk dale, tehu emi muse mafa'da selu kana no mangale'dok. Boema hata fo lamakukutu kana neu emi di'idoo ma, meu po'a-benga maloloan!

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.

1 KORINTUS 2:9

Nasafali na, dede'ak ndia nandaa no hata fo nanasulak nai Susula Malalaok dale nae, “Hata fo hataholi daebafa ka beita nitan do namanene fan, ma ana beita moli da'di nai hataholi daebafa ka dudu'a-aafi na dalek, ndia nde Manetualain sadian soaneu hataholi fo manasue-lai nana.”

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

YESAYA 21:10

Au leoinang fo Israel! O nanalulumu-eesek ma nanaheheta-aa'ik basak, sama leo gandum de'ek-kala. Besak ia, au tui-benga fe o, hala malole, fo au amanenen neme Manetualain Fo Manakoasa, fo Israel Manetualain-na.

MAZMUR 119:13

Au po'a-benga apane'e basa hoholo-lalanek fo, O fe kala.

MAZMUR 107:43

Ela leo bee-na, hataholi manatee tenok-ka, dudu'a-dodoo basa dede'ak sila-la, ma ana manaku, nae Manetualain sue-lai nahele.

NINITAK 1:19

Hu ndia de, sulak-ma dede'ak fo o mita kala, fo nde dede'ak fo hapus besak ia, ma dede'ak fo mahani te neukose ana da'di.

MIKHA 6:9

Manatee-tenok-ka nde been-na soaneu bii neu Manetualain. Naloo bou-bou neu laun manai kota nae, “Mamanene leon, hai emi fo manamakabubua manai kota lemin!

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

YESAYA 48:7

Besak ia, besak-ka Au akadada'dik-kana, te ta ndek makahulun-na fa; Beita la'iesa fo, o mamanene la'eneu dede'ak ndia, fo ela o boso mafa'da mae o bubuluk basa hata lala'en-na.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”