YESAYA 48:12 - Susula Malalaok Hehelu Palak Ma Hehelu Beuk

¹² Manetualain nafa'da nae, “Mamanene leon Israel, fo Au alook-ka, O Manetualaim Au nahele. Au nde makasososak, ma Au nde mate'ek-ka boe.

YESAYA 48:12 Referans Kwoze

YESAYA 41:4

See kande, tao basa sila-la? See kande, naketu tutuik-ka eno-ma'an? Au, Manetualain, Au nde makasososak-ka, ma ahele losa mate'en-na.

NINITAK 22:13

Au nde Alfa ma Omega fo makasososak ma mate'ek; Au nde Lamatuak neme makahulu na losa makabui na.”

NINITAK 1:8

Manetualain nae, “Au nde Alfa ma Omega, fo makasososak ma fo mate'ek”. Au nde Manetualain fo manakoasa, fo nai ia, ma nai ia so, boema nai ia nakandondoo henin.

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 43:11

Au mesang-nga nde, Manetualain, fe'ek neme Au mai, ta hapu manasoi-manatefa fa.

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 46:3

Mamanene Au, hai Yakob tititi-nonosin-nala, emi basa-basam fo Au anang bei elak-kala lemin. Au akaboboi emi neme lelek bongi emi mai so.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 2:8

“Neu ata nusa so'da salanik manai Smirna la, sulakman leoiak: Ia nde hala heheluk neme Ndia fo makasososak ma mate'ek – fo manamate basak ma naso'da falik.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 KORINTUS 1:24

Tehu ba'eneu Manetualain nalo basa hataholi la – nau hataholi Yahudi do hataholi ta Yahudi boe – tutuik ndia nalupa Manetualain eno-dalan soaneu natu'du koasa na, ma manatee teno na.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

ROMA 1:6

Lafa'da lae, hela-nole basa hataholi lala'ena ndia, nde bee soona emi fo manai Roma la nai dalek boe. Fo ela leo bee na, emi da'di Yesus Kristus hataholi kamahehele nala.

MATEOS 20:16

Boema Yesus kokolak seluk nae, “Leondiak boe hataholi makabui ka, neukose ana da'di hataholi makahuluk, ma hataholi makahulu ka, neukose ana da'di hataholi makabuik.”

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YESAYA 51:4

Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YESAYA 51:1

Manetualain nafa'da nae, “Mamanene leon, hai emi fo, manamahiik nanasoi-tefak, mai leo Au mai, fo moke tutulu-fafalik. Mafandele lete batu, fo emi nanapa'ak neme batu ndia mai, ma batu kakalik, fo emi nanakalik neme ndia mai.

YESAYA 34:1

Hai leoinak-kala lemin, mai fo takabubua, ma mamanene leon-na. Nemen-na fo, basa daebafak-ka lala'en-na, ma basa hata maso'dak nai dalek-ka, ala mai fo lamanene.

AMSAL 8:32

Hei hataholi muli-soluk-konei! Mamanene neu au, Tunga au natutu'dung-nga, soona neukose o tetu-temak.

AMSAL 7:24

Hu ndia anang-ngala lemin, mamanenen neu au. Taoafik neu au nanoling-ngala.

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YESAYA 46:4

Emi Manetualaim Au nahele, losa emi mamalasi; ma Au anea ahele emi losa emi langam-ma mofa. Au akadada'dik emi, de Au akaboboi ahele emi, neukose Au tulu-fali ma soi-tefa emi.

YESAYA 44:1

Manetualain nafa'da nae, “Mamanene leona, hai Au atang Yakob, hai Israel, fo Au hataholi heheleng-nga!