YESAYA 47:8 - Susula Malalaok Hehelu Palak Ma Hehelu Beuk

⁸ Hu ndia de, mamanene Au leona, hai o fo, hii ka'da usi lole-napu daebafak-ka! O maedaenga, o so'dam-ma nee-nee lino-linok, ma ta hapu hata fo, sama leo o fa. O dodoo mae, neukose o ta da'di inafalu fa, ma o tititi-nonosim, neukose ta mate-mopo fa.

YESAYA 47:8 Referans Kwoze

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

YESAYA 32:9

Mamanene leon, hai ina-inak fo so'dan-nala malole, ma ta hapu toto'a-tataak fa!

YEREMIA 50:11

Manetualain nafa'da nae, “Hei hataholi Babel-la, emi mamanako Au anang-ngala. Emi makabobokuk sama leo ndala nakadii, ma sapi na'a na'u.

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

YESAYA 45:6

Au tao basa sila-la fo ela neme dulu losa muli, basa hataholi-la bubuluk, Au nde Manetualain, ta hapu lamatua daebafak fe'ek, ka'da Au mesang-nga.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 5:30

Nai le'odaek ndia boe, Belsyazar fo mane Babel ndia nanataonisak.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

YEREMIA 51:53

Leomae Babel hapu kae leo lalai, ma nafofo'a kota musu fo ta hapu dai fas, neukose Au haitua hataholi fo neu tao nakalulutuk-kana. Au, Manetualain de manakokolak.”

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

HAKIM-HAKIM 18:27

Leo Dan-na hataholin sila-la, lalai basa loo imam ndia, boema bua-lo'as makaluku-makatele fo Mikha tao-nak sila-la, boema leu sapu-la Lais, kota fo laun-na laso'da nee-nee lino-linok ma tetu-temak ndia. (Kota ndia no kota Bet-Rehob-pa, nai bafak esa dalek.) Dan hataholin sila-la, taolisa la'iesak laun Lais-sala, boema ala hotu heni kota ndia. Ta hapu manatulu-fali esa boen, tulu-fali hataholi Lais sila-la fa, nana sila mamanan-na pasi fe'e, ma dook-ka neme Sidon mai. Basa ndia boema, Dan hataholin-nala lafofo'a falik kota ndia, basa boema ala leo leme naa.

HAKIM-HAKIM 18:7

Basa ndia boema, hataholi ka limak sila-la la'o, de leu leo Lais leu. Ala taoafik neu laun manai sila-la. Se'kona laun Lais sila-la, so'dan-nala sama leo leoina Sidon-nala so'dan-na. Leomae ala pasi fe'e, ma dook-ka leme leoina Sidon-na mai, te so'dan-nala nee-nee lino-linok, ma tetu-temak, ta lanuu musu, lamasu'i-lakabete, boema ala ta to'a-taa hata esa boen.

YESAYA 14:14

O mafa'da mae neukose o kae leo ko'as mademaina-la lai muu, fo o da'di sama leo Manetualain Fo Mademaina.

YESAYA 32:11

Losa hatematak ia, emi so'dam-ma malole, ma ta hapu toto'a-tataak fa. Tehu besak ia, emi dele ngge'be-ngge'be no bibii-namata'uk-ka! O'duheni emi bua papakem-ma, fo pa'a si'di lafa lapik neu emi tala'dam-ma.

YESAYA 45:5

Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YEREMIA 49:31

‘Teu leo! Mai teu tao musu neu hataholi fo manaleo no nenee lino-linok ndia. Sila kotan-nala nanananea tak hu ka nde lelesu inan ma ai betuban ta.’ ”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 30:9

Metema faik ndia, ana losa, ma Masir nakalulutuk soona, neukose Au adenu hataholi-la loo ofak-kala leu, fo ala tao langgengek hataholi Sudan-nala, soona neukose ala bii-lamata'u. Tete'ek-ka, neukose faik ndia, ana mai!”

DANIAL 4:4

Au leo-apalasa no so'da-molek nai au uma maneng dale, ma au aso'da no matetu-mandaak.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

NAHUM 3:4

Niniwe nanahukuk sama leo manasosoa-piaok-ka. Mata makee tuan-na tao-na hataholi-a matan-na fo'a, Ana suangi-na leoina ba'uk-ka so, ma ana fufu'di-oo'dos nenik fufu'di-oo'do makee-maminan-na.

HABAKUK 1:7

Bibii-namata'uk da'di nai mamanak lala'en-na; no koao-ndaeaok, ala ta sipok hoholo-lalanek lala'en-na fa; ala sipok ka'da hoholo-lalanek bee kande nandaa no dale hihiin-nala.