YESAYA 44:3 - Susula Malalaok Hehelu Palak Ma Hehelu Beuk

³ Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 44:3 Referans Kwoze

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

HATAHOLI 2:17

Manetualain nae, ‘Neu fai mate'e ka te neukose Au akona Au Dula Dale nga neu basa hataholi lala'ena. Emi ana tou mala ma emi ana ina mala, neukose lafa'da emi basa dede'ak fo Au afa'da neus ala. Neukose emi hataholi muli-solu mala, lita basa dede'ak fo Au atu'du neus ala. Neukose emi hataholi lasi mala, lalame'i me'is fo Au fe neus ala.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

AMSAL 1:23

Metema au kena-ka'i emi, fo emi mamanene au, soona neukose au afa'da au daleng-nga oe-isin neu emi, ma au anoli au malelang-nga neu emi.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

YESAYA 32:15

Tehu neukose, Manetualain mai la'iesa seluk no koasan-na. Soona neukose moo soloka'ek-ka, da'di tina maoe-maisik, ma neukose tina-la, sama leo nula.

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

MAZMUR 107:35

Ana tao nasafali moo solokaek-ka, da'di lifuina, ma dae tuuk-ka, da'di oemata.

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

HATAHOLI 2:33

Boema Manetualain so'un da'di mana koasa matua-madema. Ma Ana fen Dula Dalek fo Ana helu basa ka. Hu ndia de, mita ma mamanene, te Ana fe ami Dula Dalek ndia boe.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

YESAYA 61:9

Emi tititi-nonosim, nananita-nalelak nai basa mamanak lala'en-na, nanakoa-nanakiok, nai basa leoina lala'en-na tala'da. Boema basa hataholi fo nitan, neukose ala manaku, lae Au ba'e-pala leoina ia.”

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

YESAYA 48:21

Lelek Au hela-noles tunga moo na'u tak-ka, ala ta doi-doso, hu kande maa ma'dak-ka fa. Manetualain fa'a ba'e lete batu-a, fo oe faa mai, Ana fe oe-a faa neme batu dale mai, fo ala linu.

YESAYA 65:23

Basa hata fo ala tao-no'in, neukose neni buna-boak, ma sila anan-nala, neukose ta mate no kaiboik fa. Sila ma sila tititi-nonosin, neukose Au fes baba'e-papalak losa dodoon-na.

MAZMUR 63:1

Dauk kokoa-kikiok, nai lelek nai moo solokaek Yehuda.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

MATEOS 12:43

“Metema dula dale mangalau ka, la'oela hataholi esa soona, dula dalek ndia ana la'ok nafeo basa mamana ma'dak lala'ena, fo ana sanga mamana hahae aok, tehu ana ta hapu fan.

AYUB 5:25

Neukose, ta leke-na o upu-anam fa, nana dede'un-nala, sama leo na'u manai mook-ka.

YESAYA 48:19

Neukose o tititi-nonosim, de'u solokaek manai tasi su'uk-ka; Au apalani afa'da nana, tao leo bee-o, ta mate-mopo fas.”

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

YESKIAL 47:8

Boema nafa'da au nae, “Lee ia, ana faa tunga nusak ia leo dulu neu, fo ana tunga Lee Yarden-na Doken-na, fo nakandoo leo Tasi Mates-sa neu.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

YOEL 3:1

Manetualain nafa'da nae, “Nai lelek ndia, neukose Au tao falik Yerusalem ma Yehuda su'i-beten-nala.