YESAYA 4:5 - Susula Malalaok Hehelu Palak Ma Hehelu Beuk

⁵ Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

YESAYA 4:5 Referans Kwoze

NEHEMIA 9:12

O mauli-malangas nai fai lele'don-na, nenik ko'as bubuak esa. Ma nai fai le'odaen-na, O tao mangale'do enon-na nenik dii ha'ik-ka.

MAZMUR 78:14

Ana hela-noles nenik dii ko'as-sa, nai fai lele'don-na, ma nenik dii ha'ik-ka, nai fai le'odaen-na.

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 33:20

Makanae kota Sion, mamanak fo ita tao feta agama. Makanae Yerusalem leona! Mamanak ndia nee-nee lino-linok nanseli, soaneu leo nai ndia, sama leo lalaa temak fo, beita nanalali heok nita fa, ai papakun-na beita nanafe'ak henik nita fa, ma talin-na, beita ketu nita fan.

MAZMUR 85:9

Au nau amanene Amak Manetualain dede'a-kokolan; Ana helu fe ita fo anan-nala, tetu-temak, sa'di ita boso boe, tao seluk sala-singok bai.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

KELUARAN 14:24

Sanga deka lolebalahaak boema, Manetualain mete solda'du Masir-ra neme dii ha'ik ma dii ko'as dale mai, de Ana taon-nalas lapokak.

YESAYA 37:35

Neukose Au asala'e, ma asulu-ahapa kota Yerusalem-ma, hu kande Au na'deng-nga mesak-kana, ma hu kande Au hehelu-balataang o Au atang Dauk.’ ”

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

MAZMUR 111:1

Koa-kio Manetualain leona! No dale katema tuak, au oke makasi neu Manetualain nai anan-nala nakabubuan-na tala'da.

KELUARAN 26:7

Taom-ma temak biak sanahulu esa neme bi'ihiik-ka bulun-na mai, fo da'di Lalaa Temak ndia sinin-na.

KELUARAN 26:1

“Tao fe Au Lalaa Temak esa neme tema aba lutu biak 10 mai, tenun no tema kabeli momo'dok, pilabalanggeok ma pilas. Seu kerub-pa. dulan-na neu temak ndia.

MATEOS 18:20

Nanahu nai bee hataholi dua do telu lakabubua nanahu Au, soona Au nai hataholi sila la tala'da.”

KELUARAN 24:16

Manetualain ndela-sa'an kona nai letek ndia lain, de hataholi Israel-la litan sama leo ha'i-a pila nai letek-ka poin-na. Faik nee dalen-na, ko'as-sa poti-na letek ndia, de neu fai ka hitun-na boema, Manetualain naloo Musa neme ko'as ndia dalek mai.

MAZMUR 105:39

Manetualain nakapepela ko'as-sa, fo nasulu anan-nala, ma ha'i fo nasalaa, nai fai le'odaen-na.

YESAYA 60:2

Makiu-makahatuk-ka, potin-na daebafak-ka, Makiu-makahatuk-ka, potin-na leoinak-kala; tehu Manetualain mangale'don-na, ana tii nai o lain, mandela-masa'an, nananitak nai o lain.