Biblia Todo Logo
Bib sou entènèt

- Piblisite -




YESAYA 34:3 - Susula Malalaok Hehelu Palak Ma Hehelu Beuk

3 Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

Gade chapit la Kopi




YESAYA 34:3
20 Referans Kwoze  

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.


Gog no basa solda'dun-nala, ma basa leoina fo manalook-kana, neukose mate la'iesak-kasa lai Israel leten-nala lain, fo Au fe popolan-nala neu manupui-la, ma bana makaak-kala, fo la'ahenis.


Neukose hataholi-la mate, sama leo sapi fuik-ka, ma sapi tenak-ka. Sila nusan-na, neukose pilas nanahu daak-ka, ma henuk no bana-la minan-na.


Ala ka'bi angol boak sila la nai kota deak, de daa ka faa neme mamana kaka'bi angol ndia mai a, sama leo lee a faa, dodoo na kilo natun telu, ma dedema na hihii nae metel dua.


Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.


Manetualain nafa'da nae, “Metema basa sila-la, ala da'di soona, neukose Au fe Gog dae loo-latek nai Israel, fo nai Bafak Lelenak-ka, nai Tasi Mates-sa boboan dulu. Nai mamanak ndia nde, Gog no basa solda'dun-nala lala'en-na, neukose nananatoi-natonok, fo loke bafak ndia soona lae, ‘Gog Solda'dun-nala Doken-na’.


Neukose, Au hukun nenik he'di-laus, ma nado'do-napauk-ka. Neukose Au fe u'daina, ma u'da eis, ha'i ma belerang-nga tu'da la'en no solda'dun-nala, ma la'e leoina makadotok fo, manalook-kana.


Hu ndia de, no Au Manetualain fo maso'dak-ka, na'den-na, mamates-sa nde been-na, o ua-nalem nde ndia, de neukose o ta mala mamates-sa deak fa. Emi masala so, nana emi tao tatao-nono'ikanisak, hu ndia de, kanisak-ka boeo, neukose ana usi nahele emi.


Bole da'di, Au fe he'di-laus leo nusak ndia neu, ma Au nasa-melung lua ponu-ponu soaneus, nalosa nau hataholi do bana-manu boe, neukose mate-mopos.


Neukose Yoyakim nana lele'a-lolosok ma nana pia henik leo Yerusalem lelesu inan deak neu, sama na leo hataholi lele'a-lolosok keledei mates.”


Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.


Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”


Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.


Solda'du manasa'e ndala-la, ala sapu no tene henuk, no tafaina mangale'dok ma tee isi mangadilak. Ta leke-nala hataholi mates-sala fa, popolan-nala ladou-dou, de hataholi-la lakatunu.


Neukose Au bala o muu dae lain, fo Au adenu basa manupui-la, boema basa bana lala'en-na leme daebafak-ka mai, fo la'a o.


Swiv nou:

Piblisite


Piblisite