YESAYA 32:6 - Susula Malalaok Hehelu Palak Ma Hehelu Beuk

⁶ Hataholi nggoak-ka, ana kokolak dede'a nggoak, ma ana tutu'u eno mangalauk. Ana tao su'di beek-ka, do nafa'da su'di beek-ka, nalupa nakamumulu-nakamamaek neu Manetualain. Ana beita fe nita nana'ak neu hataholi kamala'ak-ka, do neninuk neu hataholi manamaa ma'dak-ka.

YESAYA 32:6 Referans Kwoze

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

YESAYA 3:15

Tao le'e de, emi tuni-ndeni Au anang-ngala, ma emi lumu-ese hataholi nuu-taa hata-taak-ka? Au, Manetualain Fo Mademaina, ma Manakoasa, nde manakokolak-ka.”

SEMUEL SUSULAK-KA ESAN-NA 24:13

Sa'di leo been-na, Manetualain nde naketu ita dua, se kande nasala! Sa'di leo been-na, Manetualain nde balas Ama Manek tatao-nono'in la'eneu atam-ma, tehu neukose atam-ma, ta tao nahe'di Ama Manek faa anak boen

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

AMOS 8:6

Bisa tase'o gandum nalutuk-kala nenik belin-na nai lain. Ata sanga hataholi nuu-taa hata-taak fo ana ta bae nabe'i hutan-na, leomae hutan ndia ka'da ta'bueis dua, fo ata asa-ta hataholi mahutak ndia, fo ata taon da'di ita atan.”

YEREMIA 13:23

Hapu hataholi lou nggeok-ka tao nasafali loon-na dulan-na do meoasu namopo molin-na? Tao leo beeo ta! Leondiak boe, emi fo manatao mangalauk-ka tao leo beeo ta tao malole fa.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

AMSAL 19:3

Hataholi daebafak-ka, nggoan-na, nakatutu'dak seluk aoinan-na, basa boema, ana fe salak neu Manetualain, hu kande tataon ndia.

MAZMUR 141:4

Madook au, neme hihii-nanauk fo tao tatao-nono'i mangalauk-ka mai. Boso po'ilotak au, fo au akabubua o hataholi malelesik-ka ma au u'a sama-sama os, nai sila feta-doten.

AMSAL 24:7

Hataholi nggoak-ka, ta nalelak matalolole manatee-tenok-ka fa. Metema, hataholi kokolak dede'a nanapaluuk nanseli soona, bafan poo-poo.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 31:2

Manetualain manatee-tenok, ma Ana bubuluk hata fo, Ana taon. Ana fe soe-a ana mai, ma Ana tao natetu nasanene'da mahelen-na, soaneu Ana huku hataholi mangalauk, ma hataholi manatulu-falis-sala.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

YESKIAL 34:18

Nai emi dalek hapu nggelok, metema la'a ka'da na'u malole-a soona, beita dai fa, de ala muse heheta-aa'i nalutu na'u fo, ta la'a fan-na! Sila linu oe neuk, boema ala tao kelupua oe fo, sila ta linu fan-na!