YESAYA 32:1 - Susula Malalaok Hehelu Palak Ma Hehelu Beuk

¹ Mete leona, te neukose fain-na losa, manek esa, ana paleta no ndoos ma matetuk, ma leoina mauli-malangan-nala, lakalala'ok ndoos ma matetuk-ka.

YESAYA 32:1 Referans Kwoze

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

YEREMIA 33:15

Neu faik ndia te, Au hele hataholi esa fo ndos ma matetuk neme Dauk tititi-nonosin neukose ana da'di manek. Manek ndia neukose ana tao hata fo ndos ma matetuk ma tete'ek-ka nai basa nusak-ka lala'en-na.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

ROMA 5:21

Naa, ita muse mate, nana ita tao sala-singok. Tehu Manetualain sue-lai ita de Ana fe ita enok fo ata malole falik ton. Boema hu ka nde ita tututi-nanaton to Manetualai na, malole falik, boema Ana fe ita so'da matetu ka ma manaketu basa ta ka, tunga ita Lamatuan Yesus Kristus.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

YESAYA 28:6

Neukose Manetualain fe ndoos ma matetuk-ka neu basa manakee-manafula-la, ma napalanik neu hataholi fo, manahapu bela-ba'uk fo lanea kota neme musu mamain-na.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

MAZMUR 45:1

Teidalek Korah kokoa-kikion-na. Nakamee susue-lalaik. Soaneu mauli-malanga nakameek. Tunga nakameek-ka liin-na: Laisona se'ba.

YESAYA 4:6

Neukose nasulu-nahapan neme le'do mahaak-ka, nai fai lele'don-na, ma Ana taon da'di mamana susuluk neme u'daina ma ani-sangu mai.

YESAYA 11:5

Ana ho'i nakeketuk tunga ndoos ma matetuk, ma manalilinekak nai basa hata lala'en-na dalek.

YESAYA 16:5

Basa soona, hataholi esa neme Dauk tititi-nonosin mai, neukose ana da'di manek, ma neukose ana paleta leoinan no susue-lalaik ma lilinekak. Neukose napadedeik natetu ndoos ma matetuk-ka, ma no lai-laik, ana tao hata fo ndoos-sa.)

YEREMIA 33:14

Manetualain nafa'da nae, “Losa fain-na te, neukose Au tao atetu hala heheluk fo Au tao basan neu Israel ma Yehuda.

YESAYA 33:5

Manetualain mademainan-nanseli; Ana koasa basa hata lala'en-na. Neukose, napadedeik natetu hoholo-lalanek, ma ndoos ma matetuk-ka, nai Yerusalem,