YESAYA 3:7 - Susula Malalaok Hehelu Palak Ma Hehelu Beuk

⁷ Tehu neukose nataa nae, “Hataholi malelak ta au fa! Au nana'a-nininung ma au bua papakeng boeo ta. De boso madenu au da'di leoina mauli-malangan!”

YESAYA 3:7 Referans Kwoze

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.

YESAYA 58:12

Kota fo, ndefahenin dook-ka so, neukose emi mafofo'a falik-kana, nai batu nete palaan lain. Neukose loke emi soona lae, ‘Leoina fo, manamafofo'a falik papala nanadamak-kala, ma manatao lahii uma makalulutuk-kala.’ ”

ULANGAN 32:40

No Au, Manetualain fo maso'dak-ka, na'den-na, Au so'uk Au limang-nga, Au soo-supa:

KEJADIAN 14:22

Tehu, Abram nataa nae, “Au soo nai Manetualain, Fo Mademaina, manamaka dada'dik lalai-a, ma daebafak-ka matan,

YOEL 1:16

Nana'ak-ka basan ma mopok-kana nai ita matan, nai ita Manetualain Uman ta hapu eeki-natadalek so'on.