YESAYA 3:11 - Susula Malalaok Hehelu Palak Ma Hehelu Beuk

¹¹ Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 3:11 Referans Kwoze

PENGKHOTBAH 8:13

Nasafalin-na, hataholi mangalauk-ka hapu toto'a-tataak makadotok. So'dan-na sapu-lalo no lai-laik, sama leo salaok-ka. Neukose ana matenulak nanahu ana ta tunga ndia Manetualain-na fa.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 28:4

Hukus, nanahu sila tatao-nono'in, nanahu tatao-nono'i mangalauk fo ala tao-no'ik-ka. Hukus nandaa no sila tatao-nono'in; fes huhukuk nandaa no tatao-nono'in-nala.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

YESAYA 48:22

Ba'eneu hataholi mangalauk-ka, ana ta hapu so'da-molek fa,” Manetualain nafa'da nae leondia.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

2TAWARIKH 6:23

ou Manetualain, ela leo been-na O mamanenen nai nusa so'dak-ka fo O maketu O atam ia-la dede'an-nala. Huku manatao salak-kala ma po'i manatao sala taak-kala.

AYUB 10:15

Metema, au tao sala-singok, soona te'e-te'e, soe ba'eneu! Tehu metema, au tatao-nono'ing ndoos boeo, O mafa'da mae, au tao sala-singok ahele! Au ta apalani, botik au langang-nga fa, nana au amae'da dale he'dik, ma nananakamumulu-nakamamaek.

AMSAL 12:14

Hataholi-a esa-esak hapu huhukuk, nandaa no dede'a-kokolan ma tatao-nono'in; esa-esak hapu sese'ba-babaek fo kandaak.

YESAYA 13:11

Manetualain nafa'da nae, “Neukose, Au huku daebafak-ka nanahu tatao-nono'i mangalaun-na, ma hataholi tatao-nono'i mangauk-kala nanahu sala-singon-nala. Neukose, Au akadadaek basa hataholi manakoao-ndaeaok-kala, ma neukose Au huku hataholi fo namatutua-namadedema aoinan-na, ma hataholi fo ha'da hataholi taak-ka.

YESAYA 65:6

Sila huhukun-na, nanasula basak nai Au matang-nga so. Te'e-te'e, neukose Au ta ka'da denge-denge fa. Neukose Au balas sila tatao-nono'in,

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 31:30

Tehu metema see kande na'a ai boa makeis soona, ndia de nisin-na mangu. Hataholi esa-esak mate nanahu ndia sala-singon-na.”

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 33:8

Metema Au afa'da, ae neukose mate hataholi mangalauk esa, tehu o ta fen nasanene'dak fo ana tukatei-saledale, fo ela ana hapu so'dak, soona ana mate bei da'di leo hataholi masala-masingok. Tehu neukose, Au oke natataak neme o mai, la'eneu hataholi ndia mamaten-na.

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

MIKHA 7:13

Tehu neukose daebafak-ka da'di dae tokotiik, nanahu laun-na tatao-nono'i mangalaun-na.

BILANGAN 32:23

Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

HAKIM-HAKIM 9:57

Ma Manetualain boeo, huku hataholi Sikhem-mala, nanahu sila tatao-nono'i mangalaun-nala. Dede'ak ndia la'en, sama leo Gideon anan Yotam nafa'dan la'eneu hataholi sila, nai lelek ana soo-supa fes.

2 SEMUEL 3:39

Leomae au ia, manek fo Manetualain nde hele-a, tehu besak ia, au ame'da, au akama'a. Zeruya anan sila-la, ala tao hata esa, ta no dale susue-lalaik makandondook fa. De au ta paleta abe'i fas. Sa'di leo been-na, Manetualain huku hataholi manatao tatao-nono'i mangalauk sila-la, nandaa no sila tatao-nono'in!”

1RAJA-RAJA 21:21

de Manetualain nafa'da Tuan dede'a ka nde ia nae, ‘Neukose Au fe soe a tuni-ndeni-na o. Neukose Au si'uheni o, ma basa touk manai o teidalem-ma dalek, lasik ma mulik, neukose Au tao alas ala sapu-lalo.

AMSAL 11:31

Metema nai daebafak ia, hataholi malole-a boeo neukose ana sipo babalak soona, tao leo bee-o hataholi mangalauk-ka, ma hataholi masala-masingok-ka, neukose hapu huhukuk.

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

YESKIAL 16:59

Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.