YESAYA 26:11 - Susula Malalaok Hehelu Palak Ma Hehelu Beuk

¹¹ Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 26:11 Referans Kwoze

IBRANI 10:27

Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

MIKHA 5:9

Manetualain nafa'da nae, “Nai lelek ndia, neukose Au tao amopo basa emi ndalam-mala, ma tao amopo-amate emi kaleta musum-mala.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

HATAHOLI 28:27

Nanahu leoina ia dudu'a-aafin, ta lamatane so'on, di'idoo nala da'di pakek so, ma mata nala lasusungu kana so. Dede'ak ia ana da'di, fo ela mata nala boso lita, di'idoo nala boso lamanene, dudu'a-aafi nala boso lalelak, fo ala boso fali leo Au mai, fo Au tao alea-ahais.’ ”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

YEREMIA 44:28

Kada hataholi de'ubee neukose laso'da, de ala fali leme Masir lo Yehuda leu. Boema basa hataholi Yehuda fo bei manai Masir-ra lita ade sila kokolan-na do Au kokolang-nga nde da'di mata nitak-ka.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

YESAYA 18:3

Hai, emi fo manaleo daebafak-ka lemin! Taoafik leona, metema dedeo-la nananasa'ek lai letek-kala poin-na! Mamanene leona, metema pupuk-kala nanapuuk!

YESAYA 11:13

Nusa Israel-la, ta nape'da dalek seluk no Yehuda, ma Yehuda ta musu seluk no Israel so'on.

MAZMUR 86:17

Ou Manetualain, fe au O dale malolem-ma ta'du-tanan, fo ela hataholi manamakamuu-makadau au-a, ala mae, metema lita O tulu-fali, ma kokoe-nanasi au.

MAZMUR 21:8

Manek-ka namahena neu Manetualain Fo Mademaina, so'dan-na nee-nee lino-lino, tataas esa nana Manetualain sue-lai nahelen.

MAZMUR 10:12

Fo'a leon Manetualain fo huku hataholi mangauk-ka! Mafandele hataholi nanatuni-ndenik-ka!

AYUB 34:27

Nanahu, sila ta tao tunga hihii-nanaun fa ma ta taoafik neu basa paletan-na fa.

SEMUEL SUSULAK-KA ESAN-NA 6:9

Taoafik neu lala'on-na; metema neni Peti Hehelu-balataak ndia leo nusan-na neu, fo nde Bet-Semes soona, ndia sosoa-ndandaan nae Israel Manetualain-na, nde fe soe matuaina ndia neu ita. Tehu metema nggalobak ndia ta neu leo naa neu fa soona, neukose ita bubuluk tae soe ndia ta neme Israel Manetualain-na mai fa, te soe manada'di aok ndia.”

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

LUKAS 16:23

Nai daebafa hataholi manamate ka, ana doidoso nanseli. De nai lelek nanganalo neme naa leo lain neu te, nita Abraham nai mamana ka doo na seli, ma nita Lasarus nai Abraham boboa na.

MAZMUR 78:63

Ha'i na'aheni touana muli-solun-nala; ma hataholi ta sao anafe'oanan-nala fa.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 9:7

Manetualain naketu basa nusa Israel-la, huhukun-na so.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 37:32

Neukose hapu hataholi maso'dak nai Yerusalem, ma nai Lete Sion-na lain, nana Manetualain Fo Manakoasa naketu basa, nae dede'ak ndia, neukose ana da'di.

YESAYA 42:13

Manetualain tutulumatak, de natee-natati sama leo palani tatibatu esa, sama leo solda'du esa, manggate nanseli natee-natatik-ka. Ana so'uk eeki natee-natatik-ka, ma natu'du balakain-na neu musu non-na.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

MIKHA 7:16

Neukose leoina-la lita dede'ak ndia, fo ala mae, nanahu lame'da lae sila be'i-balakain lala'en-na, ta soa-ndaa hata esa boen. Neukose mopo dudu'a-aafin-nala, nalosa ala ta hapu kokolak do lamanene fa.

MAZMUR 28:5

Ala ta taoafik neu Manetualain tatao-nono'in fa, do hata fo Ana tao-no'ik-ka. Hu ndia de, neukose Ana hukus, ma Ana tao namopo-namates losa dodoon-na.

YESAYA 10:16

Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.