YESAYA 24:16 - Susula Malalaok Hehelu Palak Ma Hehelu Beuk

¹⁶ Nakamee kokoa-kikiok soaneu Israel fo, leoina manatunga paleta, nananamanenek neme daebafak-ka bu'un-na mai. Tehu soe ba'eneu au! Au aong-nga ta napena fa. Malelesik-ka, bei nalelesi nakandoo, nakalenak ala boetai lalelesik-ka.

YESAYA 24:16 Referans Kwoze

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YEREMIA 5:11

Hataholi Israel-la, ma hataholi Yehuda-la, te'e-te'e ala ke'di-ndiu basa Au so. Au, fo Manetualain nde manakokolak-ka.”

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YEREMIA 3:20

Tehu o boeo, ta lilineka neu Au fa, sama leo saoinak fo, manalilineka taak-ka. Au, fo Manetualain nde manakokolak-ka.”

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

HATAHOLI 13:47

Nana Lamatua ka fe ami paleta nde ia. Lamatua ka nae, ‘Au hele basa emi, da'di mangale'dok ba'eneu leoina ta Yahudi la, fo ela emi mini maso'dak fe hataholi daebafa ka lala'ena.’ ”

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

HABAKUK 1:3

Tao le'e de, O po'ilotak au mete tatao-nono'i mangalauk makadotok leondiak-ka? Masa bole, O makatatakak mete la'o lenak, makadotok leondiak-ka? Nai mamanak lala'en-na, hapu nakalulutuk ma naseti-nalakak, nahotek, ma nale'a-napilik.

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

HOSEA 5:7

Ala ta lilineka neu Manetualain fa. Sila anan-nala, Manetualain anan ta sila fa. Hu ndia de, ta dook-ka so'on te, neukose sila nanatao namopo-namatek, sama-sama no tinan-nala.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 26:15

Ou Manetualain, O ta mamade'u ami, fo O anam-mala so, ma O tao mamaloa ami nusam-ma, hu ndia de, O nananamatutua-namadedemak.

YESAYA 17:4

Manetualain nafa'da nae, “Neukose fain-na losa, fo Israel mandela-masa'an nate'e, ma tetu-teman mopok-kana.

YESAYA 10:16

Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

MAZMUR 106:15

Ala loke beek soona, Ana fe, tehu he'di-laus-sa, sapu-nalas boe.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

MAZMUR 67:7

Dae-a, fe basa buna-boan so, Manetualain, fo ita Manetualain-na, ba'e-pala basa ita so.

MAZMUR 58:10

Beita lame'da fa te, mopo-mates so, sama leo makatemak fo bei momo'dok ma beita namatua fa, te anin-na fuu nenin nono'kabai bubu'u-palusa tuuk-ka.

MAZMUR 2:8

Moke leona, soona Au fe o, basa leoina lala'en-na, ma Au tao daebafak-ka lala'en-na, da'di o nuum.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

IMAMAT 26:39

Bei ela emi hataholi maso'dam lumanak nai emi musum-ma nusan-na, neukose ala doi-doso, nanahu emi sala-singom, ma emi bei-ba'i kaim-mala sala-singon.

MAZMUR 65:8

O tao makamate tasi maloaina ngguun-na, ma lii mapoponuk-ka, ma O tao matenak heni, leoina fo, manatao tasi'bu-la.

MAZMUR 119:158

Au ta ahiik mete malelesik sila-la fa, nana, ala ta tunga O nanolim-ma fa.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”