YESAYA 24:11 - Susula Malalaok Hehelu Palak Ma Hehelu Beuk

¹¹ Hataholi-la nggasi lai enok-kala, nanahu basa angol-la. Ta hapu namahoko-seteleek nai nusak ndia so'on, losa dodoon-na.

YESAYA 24:11 Referans Kwoze

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YEREMIA 48:33

Susue lalaik mopo basa neme nusa Moab so. Neukose Au tao oe angol-la ta faa neme mamanak kaka'bin-na mai fa; ta hapu hataholi esa boen tao oe angol so, ma hala hihikak-hahakak ta.

YESAYA 32:13

nana makatemak ma makatema dila-nggauk-ka, ala moli lai Au leoinang-nga daen dale. Hei, kii-makaleleu emi umam fo, hataholi-la mamana namahoko-seteleen-na, ma kota fo, henuk no makalupu-makaseek-ka!

YESAYA 16:10

Ta hapu hataholi esa boen, namahoko-setelee nai tina maoe-maisik sila-la. Ta hapu eeki-natadalek, do manamakameek nai osi angol-la fa. Ta hapu manahe'e angol soaneu tao angol oek fa. Au tao ate'e sila eeki-natadalen so.

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

AMSAL 31:6

Ala-lalu nde been-na, ka'da soaneu hataholi manamale-talek-ka, ma manadale he'dik-kala.

MAZMUR 144:14

Ela leo bee-na, ita sapin-nala, boetai lamade'u, ma ta hapu mopo do kalaheni fa. Ela leo bee-na, ta tamanene hoo-nggu'u doidosok nai ita kotan-na, enon-nala fa.

YEREMIA 14:2

“Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 46:12

Emi heheo-hihilum fo maneni mamaek-ka nanabubuluk basak neme leoina-la mai. Emi hala nalom-ma nananamanenek nai basa daebafak lala'en-na. Soloda'du-la esa sa'en-na esa; de basa-basas tu'u latatama ao leo dae lain.

YOEL 1:12

Ai maboak manai mook-kala basa-basas lamatuu: ai angol, apel, kaak, kurma, ma dalima. Boema laun-na boeo ta lamahoko so'on.

YESAYA 32:10

Besak ia, emi bole mame'da mita tetu-temak-ka, tehu fafa'kama, bei teuk esa seluk bai soona, neukose ketu emi namahehenam-ma, nana neukose emi ta da'di ketu-seu angol fa, ma ta hapu buna-boa fe'ek boen.