Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.
Neukose fain-na losa, Tirus nananafandele henik teuk hituhulu dalen-na, sama no manek esa teun-na, Metema tepo-lelek ndia seli soona, neukose Tirus sama leo ina manasosoa-piaok-ka, nai nakameek ia dalek:
Basa teuk-ka hituhuluk ndia soona, neukose Manetualain nafandele Tirus, fo Ana fen loak, soaneu ana tao-no'i, ndia tatao-nono'in makahulun-na. Neukose ana dangan no basa nusak manai daebafak-ka poin-na.
Niniwe nanahukuk sama leo manasosoa-piaok-ka. Mata makee tuan-na tao-na hataholi-a matan-na fo'a, Ana suangi-na leoina ba'uk-ka so, ma ana fufu'di-oo'dos nenik fufu'di-oo'do makee-maminan-na.