YESAYA 23:11 - Susula Malalaok Hehelu Palak Ma Hehelu Beuk

¹¹ Manetualain nakapepela liman-na neu tasi lain, de ana loliheni nusa-nusak-kala. Ana fe paleta, fo ela tao nakalulutuk Fenisia kota musun-nala.

YESAYA 23:11 Referans Kwoze

KELUARAN 14:21

Boema Musa leleuk liman-na leo tasi lai neu, de Manetualain fe ani timu matuaina mai, nalosa tasi oen-na le'a. Le'odaek ndia, ani timu nahele, de ana tao nasafali tasi-a da'di dae ma'dak.

YOHANIS 2:16

Boema nafa'da hataholi manamase'o kalua sina la nae, “So'uheni basa ia la leme ia mai. Fo boso tao Au Amang Uma na da'di mamana dangan!”

MARKUS 11:17

Basa boema, Yesus nanoli hataholi manai sila la nae, “Nai Susula Malalaok dale nanasulak nae leo ia: Manetualain nafa'da nae, ‘Neukose loke Au Uma nga lae, mamana huhule-haladoik ba'eneu leoina lala'ena.’ Tehu emi taon da'di manabonga uma la ndunu na!”

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

NAHUM 1:14

Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

YESKIAL 31:16

Nai lelek fo, Au akonaheni ai ndia, leo hataholi manamatek-kala mamanan-nala neu soona, nafanduu, fo ana tao-na leoina-kala, ala dele. Basa ai manai Eden dalek-ka, ma basa ai nanahelek manai Libanon fo, ala hapu oe manafaa dolo-dolok-ka, ma manakona basak leo daebafak-ka buin-na leu, neukose lamahoko, hu kande ai ndia tutu'un-na.

YESKIAL 26:10

Sila ndala-nala makadotok nanseli, nalosa ein-nala fofoti-la dae sopuk-ka ana lapu, de ana poti-na o. Solda'du manasa'e ndala fo, manahela kaleta manafua tua-lepa-la, ma kaleta musu-la ei ndu'un-nala, neukose ala tao-la o papala nanadamam-mala ala dele, nai lelek ala masok tunga o lelesuinam-mala leo kota fo, ana da'di ai-batu manatapasasalak ndia dalek leu.

YEREMIA 47:7

Tehu ade hapu ana da'di mananenee-lino-linok, metema Au paleta basan so soaneu sapun-na Askelon ma laun manai tasi-a su'un do ta?”

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 2:19

Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

MAZMUR 71:3

Da'di sama leo lete batu ba'eneu au fo au mamana leleong-nga fo au losan tataas esa no mudak la'iesak-kana, Nana O maketu basa, soaneu soi-tefa-mala au, Au mamana nasulu-nahapang, ma mamana hahaeaong-nga nde O.

MAZMUR 46:6

Manetualain leo nai naa, hu ndia de, neukose kota ndia ta nakalulutuk fa; neukose Ana tulu-falin, nai lelek le'do-a tii.

KEJADIAN 9:25

nafa'da nae, “Kanaan nanasoo-supak! Neukose, ana da'di ata nakamumulu-nakamamaek nanseli, ba'eneu tolanoon-nala.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 14:26

Au dale tutu'ung-nga nde ia, soaneu daebafak-ka; Au so'uk Au limang-nga, soaneu huku leoinak-kala.”

YESAYA 19:5

Lee Nil-la oen-na, neukose ana le'e, fo mate'en-na ma'dan.

YESAYA 23:10

Hai laun Spanyol-la lemin, meu foi-fala emi tinam-ma leona, nana emi ofa see-seem-ma, tak-kana so.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESKIAL 26:4

Neukose, ala tao lakalulutuk o papala nanadama-mala, ma ala tao latu'u o umam-mala puni mademan-nala. Neukose Au sasapu heni dae sopuk manai naa-la, nalosa ela ka'da batu esa nai tasi tala'da.