YESAYA 23:1 - Susula Malalaok Hehelu Palak Ma Hehelu Beuk

¹ Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

YESAYA 23:1 Referans Kwoze

KEJADIAN 10:4

Yawan tititi-nonosin nde, laun manaleo nai Elisa, Spanyol, Siprus ma Rodes.

YEREMIA 47:4

Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

YESAYA 2:16

Ofaha'ik matuaina ma mana'ahiik-kala, neukose ala bolo.

YEREMIA 2:10

La'ok ndolo-ndolo leo Siprus solokae su'un manai boboan muli, haitua hataholi leo dulu neu, fo leo nusa Kedar-ra neu, palisak matalolole nai naa, ade dede'ak matak esa, ana da'di hai nai naa so do beik?

YESAYA 23:12

Manetualain nafa'da nae, “Hai kota Sion-na nei, neukose o ta mamahoko-setelee so'on. O laum-mala, nanatuni-ndenik. Leomae lalai leo Siprus leu boe, ala ta hapu nee-nee mino-linok fa.” (

1RAJA-RAJA 10:22

Salomo ofa matuainan makadotok fo ala la'ok lakabubua loo Mane Hiram ma ofa nala. Teuk telu soona ofak sila-la fali ma'is la'iesa fo leni lilopilas, lilofulak, ngga'di dui, ko'de ma manupui manakoaok.

DANIAL 11:30

Nana neukose, hataholi Roma-la loo ofan-nala, ala mai leme Siprus mai, fo latee-lata'ti lon, nalosa ana bii nanseli. Boema neukose ana fali no nasak nanseli, de ana sanga enok fo tao nakalulutuk Manetualain anan-nala agaman-na. Neukose ana tunga hataholi manafali deak leme agama ndia mai, nanoli-nafa'dan.

YESKIAL 26:1

Nai bulak esa, fo bulak ndia na'den-na ta nanasulak fa, fain esa, fo nai lelek ami nai mamana tu'u-tapak, nai teu ka sanahulu esan-na boema, Manetualain kokolak no au nae,

YEREMIA 25:15

Manetualain, Israel Manetualain-na, nafa'da neu au nae, “Ho'im-ma nggala angol ia fo Au isi basan nenik Au angol nasa-melung-nga. Menin lo basa leoina fo nai bee Au adenu o-a, fo madenus ala linu angol ia.

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

YESAYA 24:10

Tasi'bu-a da'di nai basa kota lala'en-na; basa uma-la lelesun-nala nananggoek, nanahu uma isi-la bii-lamata'u.

YESAYA 15:8

Nai mamanak lala'en-na, nai dae too Moab-pa, hala ngganggasik-ka nananamanenek. Kikii-makaleleuk ndia, nananamanenek nai Eglaim ma Beer-Elim.

MAZMUR 48:7

Nai naa, ala dele beengge'be no bibii-namata'uk, ma lame'da he'dis sama leo inak fo ana sanga bongi,

2TAWARIKH 9:21

Salomo nanuu ofak matuaina makadotok fo ala laok lai tasi maloaina-la sama-sama loo Manek Hiram-ma ofan-nala. Teuk telu soona, ofak sila-la ala fali ma'is fo leni lilopilas, lilofulak, ngga'di dui kode ma manupui merak.

1RAJA-RAJA 5:1

Hiram, fo mane Tirus sa tao tia-laik no Mane Dauk ka tataas esa. Lelek Hiram nama nene nae Salomo da'di manek nggati aman Dauk boema, anan-nadenu hataholi neu leo Salomo neu.

YOSUA 19:29

Neme ndia mai de, too ndia ana pilu leo Rama neu, boema nakandoo, de ana losa kota Tirus, fo nde kota esa makota musu; basa boema, too ndia, pilu seluk leo Hosa neu, boema nate'e nai Tasi Tala'dak. Nai too sila-la dalek, hapu Mahalab, Akhzib,

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”

LUKAS 10:13

“Soe ba'eneu emi, fo kota Korazim! Ma soe ba'eneu emi, fo kota Betsaida! Leo uni ka, basa manda'di beuk fo nanataok neme emi tala'da ndia, nanatao basak neme kota Tirus ma Sidon na soona, tao leo bee o, hataholi sila la, ala tukatei-saledale basa doo ka, leme sila sala-singo nala mai so, boema ala pake bua-lo'a fafaluk, ma ala tao daesopuk neu langa nala lain.

YESAYA 23:6

Hai, laun manai solokae su'uk-kala lemin, kii-makaleleu, ma meu leo Spanyol meu.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

YESKIAL 27:6

O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

YESKIAL 27:30

Ala kii-makaleleu o ua-nalem, ala haladoi ma ala makaleleu no dale he'dik nanseli. Ala nggali afu leo langan-nala lain neu, de ala lololi lai afu dale, da'di leo ta'du-tana susa.

YUNUS 1:3

Tehu Yunus neu leo eno fe'ek neu, fo dook-ka neme Manetualain mai. Neu leo Yopa neu, de ana hapu ofak esa sanga neu leo Spanyol neu. Ana asa basa susula pas boema, ana sa'e leo ofak lain neu, de neu leo Spanyol neu fo dook-ka neme Manetualain mai.