YESAYA 21:10 - Susula Malalaok Hehelu Palak Ma Hehelu Beuk

¹⁰ Au leoinang fo Israel! O nanalulumu-eesek ma nanaheheta-aa'ik basak, sama leo gandum de'ek-kala. Besak ia, au tui-benga fe o, hala malole, fo au amanenen neme Manetualain Fo Manakoasa, fo Israel Manetualain-na.

YESAYA 21:10 Referans Kwoze

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

HABAKUK 3:12

O la'ok okofeo daebafak-ka no nasak, O heheta-aa'i leoina-la nenik O dalem-ma namahana loo-loo.

1RAJA-RAJA 22:14

Tehu Mikha nataa nae, “No Manetualain fo maso'dak-ka na'de na, neukose au afa'da ka'da hata fo Manetualain nafa'dan neu au!”

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

YESAYA 28:28

Ade lelek hataholi fepa gandum na, ana fepan losa nakalulutuk do? Ta! Hataholi ta fepa nakandondoo henin losa nakalulutuk fa. Ma leomae hataholi fe gelobak-ka ein-na no ndala manahela gelobak-ka, la'ok tunga gandum ndia lain, tehu neukose, hataholi ta loli gandum ndia, losa de'en-na nakalulutuk fa.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?