YESAYA 2:6 - Susula Malalaok Hehelu Palak Ma Hehelu Beuk

⁶ Ou Manetualain, O la'oela O anam fo, Yakob tititi-nonosin-nala so! Nana nai mamanak lala'en-na, hataholi manai nusak ia, ala pake bale mata neme dulu, ma neme Filistin mai, ala na'da hataholi nusa dea-la ha'dan-na.

YESAYA 2:6 Referans Kwoze

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

2RAJA-RAJA 1:2

Faik esa boema, Mane Ahazia neme Israel mai, de ana tu'da neme uma manek manai Samaria, ta'dak lain mai, nalosa makahina belak. Boema nadenu hataholi, fo neu natane Baal-Zebub, fo kota Ekron-na nai Filistin, lamatua daebafan-na, ade neukose ana lea-hai do ta.

RATAPAN 5:20

Masa bole O la'oela ami dodoo basa ndia? Ade, fafa'kama O mafandele heni ami nai tepo-lelek manalu ia do?

YEREMIA 10:2

Manetualain nafa'da nae, “Boso na'da leoina fe'ek-kala ha'da tataon, ma mita ta'du tana nai lalai-a, fo leoina sila bii-mamata'u soona boso nggenge.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

AMSAL 6:1

Anang-ngonei, fafa'kama o maheluk hai moo hataholi esa, fo o bae huta-bu'un.

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

NEHEMIA 13:23

Nai tepo-lelek ndia, au ita hataholi Yahudi ba'uk-ka, ala sao inak-kala leme leoina Asdod, Amon ma Moab mai boe.

2TAWARIKH 24:20

Boema Manetualain Dula dalen-na koasan-na Zakharia fo Imam Yoyada anan-na. Zakharia napadeik neu laun-na matan, boema naloo bou-bou nae, “Manetualain nafa'da nae, ‘Taole'e de emi ta tunga Au paletang-ngala fa, ma emi tao soe fe emi aoinam-ma. Emi ta taoafik neu Au fa, de Au boeo ta taoafik neu emi boen!’ ”

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

BILANGAN 23:7

Boema, Bileam kokolak dede'a nafa'da elak-ka nde ia nae, “Neme Aram, fo nai letelepak manai dulu eli, Balak, fo mane Moab-pa, naloo au nae, ‘Mai leoan, fo kokolak soaneu au. Supa-soo leoina Israel ndia!’

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

IMAMAT 19:31

Boso meu sanga malelak nai hataholi malalelak-kala, fo kokolak moo hataholi manamatek samanen-nala. Metema, emi tao tataos ndia soona, emi da'di hataholi manggenggeok. Au nde emi Amam Manetualaim-ma.

KELUARAN 34:16

Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

KELUARAN 22:18

Inak bee siula-tongono soona, muse taonisan.

SEMUEL SUSULAK-KA ESAN-NA 6:2

hataholi Filistin-nala laloo basa imam-mala ma hataholi malelak-kala boema, latane lae, “Ita muse tao Israel Manetualain Peti Hehelu-balataan ndia le'e? Metema ita teni falik-kana leo mamanan-na neu soona, enon-na leo beek?”

YESAYA 14:29

Hai leoina Filistin-nala lemin, ai kalapu'ak fo nanapakek soaneu fepa o-a, la'din so. Tehu o boso mamahoko dei, nana metema mate menge esa soona, menge fo mangalaun-na lena seluk, ana mai nggatin, ma menge tolo-a, ana tutu buta mali'dak.

YEREMIA 12:7

Manetualain nafa'da nae, “Au mamana leleong-ngaau ta tao afik neu fan, nusak fo da'di au nung-nga au la'o ela so'on, ma au anang-ngala fo Au sue-laik-kala, au fe heni basas leo musu-a liman dale neu.

MIKHA 5:12

Neukose Au tao akalulutuk emi dodoki-dudulam-mala, ma emi lutu batu sosongo-tatangom-mala; neukose emi ta sene-do'ok neu buas fo emi tao aom ndia so'on.

ZEFANYA 1:8

Manetualain nafa'da nae, “Nai fai dodo'dok ndia, neukose Au huku basa hataholi matua-madema-la, basa manek-kala anatoun-nala, ma basa hataholi manatunga hataholi manamai-la ito-aton.

2RAJA-RAJA 17:20

boema Manetualain ta manaku basa hataholi Israel-la lala'en-na so'on. Ana hukus, ma ana fes leo sila musu-musun, fo ha'da hataholi taak-kala neu. Ana ta taoafik-kasa so'on, de Ana tu'u-tapa henis, neme Ana fes dae-a mai.

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.