YESAYA 2:4 - Susula Malalaok Hehelu Palak Ma Hehelu Beuk

⁴ Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YESAYA 2:4 Referans Kwoze

MIKHA 4:3

Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

YESAYA 9:7

Manetualain naketu basa nusa Israel-la, huhukun-na so.

YOEL 3:10

Tutu o tata'tim-ma da'di tafaina, ma tao o dope nggenggeum-ma da'di tee isik. Hataholi tapandoes-sala boeo, muse lafa'da lae, ‘Au atee-atati abe'i sama leo solda'du-la!’

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”

MAZMUR 82:8

Mai leon ou Manetualain, fo maketu-mala'di daebafak-ka, nana basa leoina-la nde bee-na, O nuum.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

YESAYA 9:5

Ni'iana esa, nanabongi basak ba'eneu ita so; ni'iana touanak esa, nanaba'e-batik ba'eneu ita. Neukose ana da'di ita mauli-malangan. Ni'iana ndia nanafoik na'de: “Manamanoli-mafa'da Manatee-tenok”, “Manetualain Makadelek”, “Ama Manaketu basa tak”, “Manek Mole-dame!”.

MAZMUR 110:6

Neukose, Ana huku leoina-la, nalosa popolan-nala tonggela. Neukose, Ana tao namopo-namate basa manakoasa, manai daebafak-ka poin-na lala'ena.

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

YESAYA 32:17

Basa hataholi-la, neukose tao hata fo la'en, nalosa hapu so'da-molek ma tetu-temak losa dodoon-na.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YOEL 3:12

Manetualain nafa'da seluk nae, “Basa leoina-la, muse lahehele aon fo leu leo Bafak Naketu-nala'dik-ka leu. Nai ndia, Au fo Manetualain neukose aketu-ala'di leoina-leoina manai Au anang-ngala titia-tatain-nala.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

YESAYA 42:3

Oo manamalek-ka, neukose ta nanatao nala'dik fa, banuk manapila ma'u-ma'uk-ka, neukose ta nanafuu nisak fa. Neukose nafa'da ndoos-sa no lilinekak,

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.