YESAYA 2:16 - Susula Malalaok Hehelu Palak Ma Hehelu Beuk

¹⁶ Ofaha'ik matuaina ma mana'ahiik-kala, neukose ala bolo.

YESAYA 2:16 Referans Kwoze

1RAJA-RAJA 10:22

Salomo ofa matuainan makadotok fo ala la'ok lakabubua loo Mane Hiram ma ofa nala. Teuk telu soona ofak sila-la fali ma'is la'iesa fo leni lilopilas, lilofulak, ngga'di dui, ko'de ma manupui manakoaok.

YESAYA 23:1

Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

NINITAK 18:11

Basa manadangan manai daebafa kala boeo, ala kii-makaleleu ma ala falu, hu ka nde inak ndia, nana ta hapu seluk hataholi esa boen asa sila buadanga nala so'on.

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

MAZMUR 47:7

Makamee nakamee kokoa-kikiok ba'eneu Manetualain leona, makamee nakamee kokoa-kikiok ba'eneu ita Manen-na!

BILANGAN 33:52

emi muse usi heni nusak ndia, laun-nala lala'en-na. Taom-makalulutuk la'iesak sila sosongo-tatangon, fo ala taon neme batu ma liti-a mai, boema sila mamana sosongo-tatangon-nala.

NINITAK 8:9

ma basa mahahaek manai tasi dale la baba'ek esa neme baba'ek telu mate la'iesa kasa. Leondiak boe ofak manai tasi lai la hea nakalulutuk basa baba'ek esa neme baba'ek telu.

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 23:14

Hai hataholi tasi-la lemin, kii-makaleleu leon-na! Kota fo, emi masalai emi deam-ma neun-na, nakalulutuk so.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YESKIAL 27:25

Ala fua o bua dangam-mala, nenik ofa dangan matuaina-la, de ala la'ok latutungao. O sama leo ofak fo, fufuan-na namabela.